തിരുവനന്തപുരം: ലീഡറുടെ മകൾ പത്മജ വേണുഗോപാലിന് പിന്നാലെ കെ. കരുണാകരന്റെ വിശ്വസ്തനും കോൺഗ്രസ് പാര്‍ട്ടി വിട്ടു. തിരുവനന്തപുരം നഗരസഭ മുൻ പ്രതിപക്ഷ നേതാവ് മഹേശ്വരൻ നായർ ബിജെപിയില്‍ ചേര്‍ന്നത്. കെപിസിസി എക്സിക്യൂട്ടീവ് അംഗമായിരുന്നു മഹേശ്വരൻ നായർ.
തിരുവനന്തപുരത്തെ പാർട്ടി ആസ്ഥാനത്ത് തിരുവനന്തപുരം ലോക് സഭാ മണ്ഡലത്തിലെ സ്ഥാനാർത്ഥി രാജീവ് ചന്ദ്രശേഖർ ഷാൾ അണിയിച്ച് മഹേശ്വരൻ നായരെ ബിജെപിയിലേക്ക് സ്വാഗതം ചെയ്തു. ഉപാധികളില്ലാതെയാണ് ബിജെപിയിൽ ചേരുന്നതെന്ന് അദ്ദേഹം പറഞ്ഞു. കോൺഗ്രസിന്റെ വികസന കാഴ്ചപ്പാടിൽ വിശ്വാസമില്ലെന്നും അതാണ് പാർട്ടി വിടാൻ കാരണമെന്നും മഹേശ്വരൻ നായർ വ്യക്തമാക്കി.
പത്മജ വേണുഗോപാലിനും പദ്മിനി തോമസിനും പിന്നാലെ കോൺഗ്രസിന് വീണ്ടും തിരിച്ചടി നല്‍കി കൊണ്ടാണ് മഹേശ്വരൻ നായരുടെ പാര്‍ട്ടി മാറ്റം. വര്‍ഷങ്ങളായുള്ള കോണ്‍ഗ്രസ് ബന്ധം അവസാനിപ്പിച്ചാണ് കായിക താരം കൂടിയായിരുന്ന പത്മിനി തോമസ് ബിജെപിയില്‍ ചേരുന്നത്. തിരുവനന്തപുരം ഡിസിസി മുന്‍ ജനറല്‍ സെക്രട്ടറി തമ്പാനൂര്‍ സതീഷ് പദ്മിനി തോമസിനൊപ്പം ബിജെപിയില്‍ ചേരുന്നിരുന്നു.
പ്രതികരിക്കാൻ ഇവിടെ എഴുതുക: