ദമാം: ‘മോണിക്ക ഒരു എ ഐ സ്റ്റോറി’ എന്ന സിനിമയുടെ ഫസ്റ്റ് ലുക്ക് പോസ്റ്റര് റിലീസ് ചെയ്തു. എ ഐ സാങ്കേതികവിദ്യയേയും കഥാപാത്രത്തെയും ഒരു കഥയിലൂടെ സമന്വയിപ്പിക്കുന്ന ഇന്ത്യയിലെ തന്നെ ആദ്യ സിനിമയാണ് മോണിക്ക ഒരു എ ഐ സ്റ്റോറി. സൗദി അറേബ്യയില് ദമ്മാമില് നടന്ന ചടങ്ങില് വെച്ച് പ്രശസ്ത അറബ് സംവിധായകനും നിര്മ്മാതാവും നടനും എഴുത്തുകാരനുമായ സമീര് അല് നാസ്സറാണ് പോസ്റ്റര് ഡിജിറ്റല് പ്ലാറ്റ് ഫോമില് റിലീസ് ചെയ്തത്. ചടങ്ങില് പ്രശസ്ത ശാസ്ത്രജ്ഞനും അറ്റോമിക്സ് കമ്പനി സി.ഇ.ഓയുമായ ഡോ. മാത്യു എം സാമുവല്, നിര്മ്മാതാവ് മന്സൂര് പള്ളൂര്, സപ്ത ശ്രീജിത്ത് എന്നിവര് പ്രസംഗിച്ചു.
മജീഷ്യന് ഗോപിനാഥ് മുതുകാട്, പ്രശസ്ത ഇന്ഫ്ലുവന്സര് അപര്ണ മള്ബറി, ബാലതാരം ശ്രീപത് തുടങ്ങിയവര് പ്രധാന കഥാപാത്രങ്ങളാവുന്നു. നിര്മ്മാതാവ് മന്സൂര് പള്ളൂരും, സംവിധായകന് ഇ.എം അഷ്റഫും ചേര്ന്നാണ് സിനിമയുടെ തിരക്കഥ തയ്യാറാക്കിയിരിക്കുന്നത്. സിനി അബ്രഹാം, മണികണ്ഠന്, കണ്ണൂര് ശ്രീലത, അജയന് കല്ലായ്, അനില് ബേബി, ആല്ബര്ട്ട് അലക്സ് ,ശുഭ കാഞ്ഞങ്ങാട് ,പി കെ അബ്ദുള്ള, പ്രസന്നന് പിള്ള, വിശ്വനാഥ്, ആനന്ദജ്യോതി ,ഷിജിത്ത് മണവാളന്, ഹരി കാഞ്ഞങ്ങാട്, വിഞ്ചു വിശ്വനാഥ്, പ്രീതി കീക്കാന്, ആന്മിരദേവ്, ഹാതിം,അലന് തുടങ്ങിയവരും ചിത്രത്തില് അഭിനയിക്കുണ്ട്.
നജീം അര്ഷാദ് , യര്ബാഷ് ബാച്ചു, അപര്ണ എന്നിവരാണ് ഗായകര്. സുബിന് എടപ്പകത്ത് സഹ നിര്മ്മാതാവ്. എക്സിക്യൂട്ടീവ് പ്രൊഡ്യൂസര്: കെ.പി ശ്രീശന്, ഡി.ഒ.പി: സജീഷ് രാജ്, മ്യൂസിക്: യുനിസിയോ, പശ്ചാത്തല സംഗീതം: റോണി റാഫേല്, പ്രൊഡക്ഷന് കണ്ട്രോളര്: രാധാകൃഷ്ണന് ചേലേരി, എഡിറ്റര്: ഹരി ജി നായര്, ഗാനരചന: പ്രഭാവര്മ്മ, മന്സൂര് പള്ളൂര്, രാജു ജോര്ജ്, ആര്ട്ട്: ഹരിദാസ് ബക്കളം, മേക്കപ്പ്: പ്രജിത്ത്, കോസ്റ്റ്യൂംസ്: പുഷ്പലത, ചീഫ് അസോസിയേറ്റ് ഡയറക്ടര്: ഷൈജു ദേവദാസ്, വി.എഫ്.എക്സ്: വിജേഷ് സി.ആര്, സ്റ്റില്സ്: എന്.എം താഹിര്, അജേഷ് ആവണി, പി.ആര്.ഒ: പി.ശിവപ്രസാദ്, ഡിസൈന്സ്: സജീഷ് എം ഡിസൈന്സ് എന്നിവരാണ് മറ്റ് അണിയറ പ്രവര്ത്തകര്.
