ലാലേട്ടൻ കമന്റ് ചെയ്താലേ ബിസ്കറ്റ് കഴിക്കൂ എന്ന് യുവാക്കൾ; ഞെട്ടിച്ച് മോഹൻലാലിന്റെ കമന്റ്.
സമൂഹമാധ്യമങ്ങളിൽ വൈറലാണ് “ഈഫ് ദിസ് സെലിബ്രിറ്റി കമന്റ്” ട്രെൻഡ്. സിനിമാതാരങ്ങളുടെ കമന്റ് അഭ്യര്ത്ഥിച്ചു കൊണ്ടുള്ള പോസ്റ്റുകളും റീലുകളുമാണ് ഈ ട്രെൻഡിനു തുടക്കം കുറിച്ചത്. ബേസിൽ, ജയസൂര്യ, കാളിദാസ് ജയറാം, മഞ്ഞുമ്മൽ ബോയ്സ് താരങ്ങൾ എന്നു തുടങ്ങി മലയാളത്തിൽ നിന്നും നിരവധി പേർ ഈ ട്രെൻഡിന്റെ ഭാഗമായി ആരാധകർക്ക് സമൂഹമാധ്യമങ്ങളിലൂടെ മറുപടി നൽകിയിരുന്നു.
ഇപ്പോഴിതാ, ആ ട്രെൻഡിന്റെ ഭാഗമായിരിക്കുകയാണ് മലയാളികളുടെ പ്രിയതാരം മോഹൻലാലും. ആരോമൽ എന്ന യുവാവാണ് റീലിൽ മോഹൻലാലിന്റെ കമന്റ് റിക്വസ്റ്റ് ചെയ്തത്. ലാലേട്ടൻ ഈ വീഡിയോയ്ക്ക് കമന്റ് ചെയ്താലേ ഞങ്ങൾ ബിസ്കറ്റ് കഴിക്കൂ എന്നായിരുന്നു ആരോമലിന്റെ അഭ്യർത്ഥന.
“കഴിക്ക് മോനേ.. ഫ്രണ്ട്സിനും കൊടുക്കൂ,” എന്ന കമന്റുമായി മോഹൻലാൽ റീലിനു താഴെ എത്തിയതോടെ സംഭവം കളറായി.
