വിഴിഞ്ഞത്ത് ടിപ്പറില്‍ നിന്ന് കരിങ്കല്ല് തെറിച്ചു വീണ് യുവാവ് മരിച്ചു, സ്ഥലത്ത് നാട്ടുകാരുടെ പ്രതിഷേധം

തിരുവനന്തപുരം : വിഴിഞ്ഞം മുക്കോലയില്‍ ടിപ്പറില്‍ നിന്ന് കരിങ്കല്ല് തെറിച്ചു വീണ് യുവാവ് മരിച്ചു. മുക്കോല സ്വദേശി അനന്തുവാണ് മരിച്ചത്.നിംസ് കോളേജിലെ നാലാം വര്‍ഷ ബി ഡി എസ് വിദ്യാര്‍ത്ഥിയായിരുന്നു.

അനന്തുവിനെ ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല.രാവിലെ 8.30 ഓടെയാണ് സംഭവം.

ലോഡുമായി പോയ ടിപ്പറിന് പിന്നില്‍ ബൈക്കില്‍ സഞ്ചരിക്കുകയായിരുന്നു അനന്തു. ഇതിനിടെയാണ് കല്ല് തെറിച്ചു വീണത്.

സംഭവത്തെ തുടര്‍ന്ന് തുറമുഖ കവാടത്തില്‍ നാട്ടുകാര്‍ പ്രതിഷേധം നടത്തി. ടിപ്പറില്‍ അമിതമായി ലോഡ് ഉണ്ടായിരുന്നുവെന്നാണ് ആരോപണം. തുറമുഖത്തേക്ക് നിര്‍മ്മാണ സാമഗ്രികള്‍ എത്തിക്കുന്ന ടിപ്പറുകള്‍ നിരന്തരം അപകടമുണ്ടാക്കുന്നുവെന്ന് നാട്ടുകാര്‍ പറയുന്നു.