വയനാട് : പനമരം പരക്കുനിയില് നിന്നു കാണാതായ പെണ്കുട്ടിയെ തൃശൂരില്നിന്നു പൊലീസ് കണ്ടെത്തി. പനമരം ഹൈസ്കൂളില് എട്ടാം ക്ലാസില് പഠിക്കുന്ന 14 കാരിയെയാണ് കാണാതായത്.
പെണ്കുട്ടി കൂട്ടുകാരിയുടെ തൃശൂരുള്ള ബന്ധുവീട്ടിലേക്ക് എന്ന് പറഞ്ഞാണു വീട്ടില് നിന്നും പോയത്.കുട്ടിയെ കാണാതായതോടെ മാതാപിതാക്കള് പൊലീസില് പരാതി നല്കി.ശനിയാഴ്ചയാണ് കുട്ടിയെ കാണാതായത്.
തൃശൂര് സിറ്റി പൊലീസിന്റെ സഹായത്തോടെ പാലപ്പെട്ടി വളവില് കുട്ടിയെ കണ്ടെത്തി. വിദ്യാര്ത്ഥിനിക്കൊപ്പം കൂട്ടുകാരിയുടെ അമ്മയും അച്ഛനും ഉണ്ടായിരുന്നു.കൂട്ടുകാരിയുടെ അമ്മയ്ക്കും അച്ഛനുമെതിരെ കേസെടുത്തു. കുട്ടിയുടെ മൊഴി എടുത്ത് കോടതിയില് ഹാജരാക്കി മാതാപിതാക്കളോടൊപ്പം വിട്ടു. കൂടുതല് അന്വേഷണം നടക്കുകയാണെന്ന് പൊലീസ് അറിയിച്ചു.
