തിരുവനന്തപുരം:സ്‌കൂട്ടര്‍ യാത്രക്കാരിയെ നിലത്ത് വലിച്ചിഴച്ച് മാലപൊട്ടിച്ച ബൈക്കിലെത്തിയ സംഘം മറ്റൊരിടത്തും കവര്ച്ചയ്ക്ക് ശ്രമം നടത്തിയെന്ന് സംശയിച്ച് പൊലീസ്. ബണ്ട് റോഡിലും സ്‌കൂട്ടറില്‍ പോയ സംഘം സ്ത്രീയുടെ മാല പൊട്ടിക്കാന്‍ ശ്രമിച്ചുവെന്നാണ് പൊലീസിന്റെ സംശയം.
നെയ്യാറ്റിന്‍കരയില്‍ വ്രാലി സ്വദേശിനി ലിജിയുടെ മാലയാണ് കവര്‍ന്നത്. റോഡരികില്‍ സ്‌കൂട്ടര്‍ നിര്‍ത്തി ഇന്‍ഡിക്കേറ്റര്‍ ഇട്ട് വലത്തോട്ട് തിരിയാന്‍ ശ്രമിക്കവെ ലിജിയുടെ ആറ് പവന്റെ മാല ഹെല്‍മറ്റ് ധരിച്ച് ബൈക്കിലെത്തിയ രണ്ടുപേര്‍ ചേര്‍ന്നാണ് പിടിച്ചുപറിച്ചത്. പിന്നില്‍ നിന്നും ബൈക്കിലെത്തിയ സംഘം ലിജിയുടെ കഴുത്തിലുണ്ടായിരുന്ന മാല പിടിച്ചുപറിക്കുകയായിരുന്നു. മോഷ്ടക്കാളെ പ്രതിരോധിക്കവെ ലിജി സ്‌കൂട്ടറില്‍ നിന്നും വീണ് പരിക്കേറ്റു.
നിലത്ത് നിന്ന് എഴുന്നേറ്റ് ലിജി ബഹളം വെച്ചെങ്കിലും മോഷ്ടാക്കളെ പിടികൂടാനായില്ല. സംഭവത്തില്‍ പൊഴിയൂര്‍ പൊലീസ് കേസെടുത്ത് അന്വേഷണം ആരംഭിച്ചു. സംഭവത്തിന്റെ സിസിടിവി ദൃശ്യങ്ങളും പൊലീസിന് ലഭിച്ചു.
ഇതേ സംഘമാണ് നെയ്യാറ്റിന്‍കര പൊഴിയൂരിലും സ്ത്രീയെ ആക്രമിച്ചതെന്നാണ് പൊലീസ് കരുതുന്നത്. പൊലീസിന് ലഭിച്ച സിസിടിവി ദൃശ്യങ്ങളില്‍ മോഷ്ടാക്കളായ ബൈക്ക് യാത്രക്കാരുടെ വേഷം സമാനമാണ്.
പ്രതികരിക്കാൻ ഇവിടെ എഴുതുക: