ന്യൂദല്‍ഹി : അരുണാചല്‍പ്രദേശ്, സിക്കിം നിയമസഭാ തിരഞ്ഞെടുപ്പിന്റെ വോട്ടെണ്ണല്‍ തീയതിയില്‍ മാറ്റം. ജൂണ്‍ രണ്ടിന് വോട്ടെണ്ണല്‍ നടക്കും. നേരത്തേ ജൂണ്‍ നാലിനാണ് വോട്ടെണ്ണല്‍ നിശ്ചയിച്ചിരുന്നത്.
ആന്ധ്രാപ്രദേശ്, ഒഡീഷ, സിക്കിം, അരുണാചല്‍ പ്രദേശ് എന്നിവിടങ്ങളിലെ നിയമസഭാ തിരഞ്ഞെടുപ്പ് തീയതി ഇന്നലെയാണ് കേന്ദ്ര തിരഞ്ഞെടുപ്പ് കമ്മിഷന്‍ പ്രഖ്യാപിച്ചത്. ഇതിനു പിന്നാലെയാണ് രണ്ടു സംസ്ഥാനങ്ങളിലെ വോട്ടെണ്ണല്‍ തീയതി തിരഞ്ഞെടുപ്പ് കമ്മിഷന്‍ മാറ്റിയത്.
അരുണാചല്‍പ്രദേശില്‍ 60 നിയമസഭാ മണ്ഡലങ്ങളും രണ്ട് ലോക്സഭാ മണ്ഡലങ്ങളുമാണുളളത്. ഇവിടെ ഏപ്രില്‍ 19-നാണു വോട്ടെടുപ്പ്. സിക്കിമില്‍ 32 നിയമസഭാ മണ്ഡലങ്ങളിലേക്കും ഏപ്രില്‍ 19-ന് വോട്ടെടുപ്പ് നടക്കും. ആന്ധ്രാപ്രദേശില്‍ 175 നിയമസഭാ സീറ്റുകളിലേക്ക് മേയ് 13-ന് വോട്ടെടുപ്പ് നടക്കും. ഒഡീഷയില്‍ മേയ് 13, 20, 25 ജൂണ്‍ 1 തീയതികളില്‍ നാല് ഘട്ടങ്ങളായാണ് വോട്ടെടുപ്പ്.
പ്രതികരിക്കാൻ ഇവിടെ എഴുതുക: