കൊച്ചി: യുവാവിനെ ഒരു സംഘമാളുകള് തട്ടിക്കൊണ്ടുപോയി. ആലുവ റെയില്വെ സ്റ്റേഷന് പരിസരത്താണ് സംഭവം.
ഇന്നോവ കാറിലെത്തിയ സംഘമാണ് യുവാവിനെ തട്ടിക്കൊണ്ടുപോയത്. യുവാവിനെ മര്ദ്ദിച്ചശേഷം കാറിലേക്ക് പിടിച്ചുകയറ്റി കൊണ്ടുപോവുകയായിരുന്നു.പൊലീസ് കേസെടുത്ത് അന്വേഷണം ആരംഭിച്ചു.
പരിസരത്തെ സിസിടിവി ദൃശ്യങ്ങള് കേന്ദ്രീകരിച്ചാണ് പൊലീസ് അന്വേഷണം നടത്തുന്നത്.
നാല് ദിവസം മുമ്പ് റെയില്വേ സ്റ്റേഷനില് വന്നിറങ്ങിയ മറ്റൊരാളെ തട്ടിക്കൊണ്ടു പോയെങ്കിലും ഇയാളെ പിന്നീട് വിട്ടയച്ചു. ഇക്കാര്യത്തില് അന്വേഷണം നടന്നുവരവെയാണ് പുതിയ സംഭവം. കുഴല്പ്പണ ഇടപാട് സംഘം ആണോ തട്ടിക്കൊണ്ടു പോകലിന് പിന്നിലെന്ന് സംശയിക്കുന്നതായി പൊലീസ് വ്യക്തമാക്കി.
