സ്‌കൂട്ടർ നിയന്ത്രണം വിട്ട് കെഎസ്ആർടിസി ബസിലേക്ക് മറിഞ്ഞു; കണ്ണൂരിൽ യുവാവിന് ദാരുണാന്ത്യം

കണ്ണൂർ: സ്‌കൂട്ടർ കെഎസ്ആർടിസി ബസിൽ ഇടിച്ച് യുവാവിന് ദാരുണാന്ത്യം. മാച്ചേരിയിൽ പുലർച്ചെ അഞ്ച് മണിയോടെയായിരുന്നു അപകടം. സ്‌കൂട്ടർ യാത്രികനായ ഏച്ചൂർ സ്വദേശി പി സജാതാണ് മരിച്ചത്. സ്‌കൂട്ടർ നിയന്ത്രണം വിട്ട് റോഡിലൂടെ പോകുകയായിരുന്ന കെഎസ്ആർടിസി ബസിന്റെ അടിയിൽപ്പെട്ടാണ് യുവാവ് മരിച്ചത്. നിയന്ത്രണം വിട്ട സ്‌കൂട്ടർ ഇടിച്ച് രാവിലെ നടക്കാൻ ഇറങ്ങിയ സ്ത്രീക്കും പരിക്കേറ്റു.