മേടക്കൂറ്: അശ്വതി, ഭരണി, കാര്‍ത്തിക (¼)
വരുമാനം വര്‍ധിക്കുമെങ്കിലും ഭാരിച്ച ചെലവുകളും വന്നുചേരും. ഷെയറുകളില്‍നിന്നുള്ള വരുമാനം കുറയും. എല്ലാ കാര്യങ്ങളിലും ദൈവാനുകൂല്യമുണ്ടാകും. വിദ്യാര്‍ത്ഥികള്‍ക്ക് ഈ സന്ദര്‍ഭം അനുകൂലമാണ്.
ഇടവക്കൂറ്: കാര്‍ത്തിക (¾), രോഹിണി, മകയിരം (½)
സന്താനസുഖം അനുഭവപ്പെടും. ആരോഗ്യവും മനഃസുഖവും വര്‍ധിക്കും. ഏറ്റെടുക്കുന്ന സംരംഭങ്ങള്‍ അഭിവൃദ്ധിപ്പെടും. സാമ്പത്തികകാര്യങ്ങള്‍ മൂലം ബന്ധുക്കളുമായി ശത്രുതയുണ്ടാകാനിടയുണ്ട്.
മിഥുനക്കൂറ്: മകയിരം (½), തിരുവാതിര, പുണര്‍തം (¾)
വ്യാപാര വ്യവസായാദികളില്‍ നല്ല പുരോഗതി കാണപ്പെടുന്നതാണ്. വിദേശയാത്ര ഉദ്ദേശിക്കുന്നവര്‍ക്ക് ആഗ്രഹം സാധിക്കും. പ്രവര്‍ത്തനരംഗത്ത് ഭാഗ്യം തെളിയും. സ്ത്രീജനങ്ങള്‍ മുഖേന പണം ലഭിക്കും.
കര്‍ക്കടകക്കൂറ്: പുണര്‍തം (¼), പൂയം, ആയില്യം
സ്ഥാവരവസ്തുക്കളുടെ ലാഭമുണ്ടാകും. പുതിയ സംരംഭങ്ങള്‍ക്ക് അനുകൂലമായ കാലമല്ല. എല്ലാവരുടെയും സ്‌നേഹാദരങ്ങള്‍ക്കു പാത്രമാവുകയും അധികൃതരുടെ പ്രീതിയും സര്‍ക്കാരില്‍നിന്നു ബഹുമതിയും ലഭിക്കും. യാത്രക്കിടയില്‍ ധനനഷ്ടം സംഭവിക്കാനിടയുണ്ട്.
ചിങ്ങക്കൂറ്. മകം, പൂരം, ഉത്രം (¼)
തൊഴില്‍രഹിതര്‍ക്ക് ജോലിയില്‍ പ്രവേശിക്കാനവസരമുണ്ടാകും. വിദേശയാത്രക്ക് ശ്രമിക്കുന്നവര്‍ക്ക് ആഗ്രഹം സാധിക്കും. ജോലിയില്‍നിന്നും വ്യവസായത്തില്‍നിന്നും കൂടുതല്‍ വരുമാനമുണ്ടാകും. വിലപ്പെട്ട സമ്മാനങ്ങളോ പ്രശംസാപത്രങ്ങളോ ലഭിക്കാനിടയുണ്ട്.
കന്നിക്കൂറ്: ഉത്രം (¾), അത്തം, ചിത്തിര (½)
ജോലിയില്‍ ചില മാറ്റങ്ങളുണ്ടാകും. ഏത് കാര്യത്തിലും തടസ്സങ്ങള്‍ വരാനിടയുണ്ട്. ഗുരുജനങ്ങളുടെ വിയോഗം മനസ്സിനെ അസ്വസ്ഥമാക്കും. കടബാധ്യതകള്‍ തീര്‍ക്കും. സ്ത്രീകള്‍ മുഖേന സുഖമനുഭവിക്കും.
തുലാക്കൂറ്: ചിത്തിര (½), ചോതി, വിശാഖം (¾)
ഒൗദ്യോഗികരംഗത്ത് പ്രതിസന്ധികള്‍ നേരിടും. പാഴ്‌ച്ചെലവുകള്‍ വര്‍ധിക്കും. എല്ലാ കാര്യങ്ങളിലും സാവകാശം പാലിക്കുന്നത് നല്ലതാണ്. ആവശ്യമില്ലാത്ത കാര്യങ്ങളിലിടപെടാതിരിക്കാന്‍ ശ്രദ്ധിക്കണം. ക്രയവിക്രയങ്ങള്‍ തൃപ്തികരമായിരിക്കില്ല. പദവിയും അന്തസ്സും ഉയരും.
വൃശ്ചികക്കൂറ്: വിശാഖം (¼), അനിഴം, തൃക്കേട്ട
സ്ഥാനമാനങ്ങളും ജനപ്രീതിയും വര്‍ധിക്കും. സന്താനസുഖം. ആഡംബര വസ്തുക്കളുടെ ലഭ്യത ഉണ്ടാകും. സുഹൃത്തുക്കളുടെയും ബന്ധുക്കളുടെയും സഹായസഹകരണങ്ങള്‍ ലഭിക്കും. ആലോചനയിലിരുന്ന വിവാഹം നടക്കും.
ധനുക്കൂറ്: മൂലം, പൂരാടം, ഉത്രാടം (¼)
സര്‍ക്കാരില്‍നിന്ന് കിട്ടാനുള്ള ആനുകൂല്യങ്ങള്‍ക്ക് കാലതാമസം നേരിടും. വിദ്യാര്‍ത്ഥികള്‍ മെച്ചപ്പെട്ട വിജയം കരസ്ഥമാകും. വാഹനം, ഭൂമി എന്നിവ അധീനതയില്‍ വന്നുചേരും. പ്രേമകാര്യങ്ങളില്‍ പരാജയം സംഭവിക്കും. പിതാവിന്റെ അസുഖത്തിന് കുറവ് അനുഭവപ്പെടും. എല്ലാ കാര്യങ്ങളിലും വളരെ ശ്രദ്ധ ചെലുത്തേണ്ട സമയമാണ്.
മകരക്കൂറ്: ഉത്രാടം (¾), തിരുവോണം, അവിട്ടം (½)
സത്കര്‍മങ്ങള്‍ക്കായി പണം ചെലവഴിക്കും. വീട് വിട്ടുനില്‍ക്കേണ്ട സാഹചര്യമുണ്ടാകും. ഭാവികാര്യങ്ങളെപ്പറ്റി ചിന്തിച്ച് മനസ്സ് വിഷമിക്കും. സാമ്പത്തികാഭിവൃദ്ധിയും കുടുംബസുഖവും അനുഭവപ്പെടും. ആലോചനയിലിരുന്ന വിവാഹം നടക്കും.
കുംഭക്കൂറ്: അവിട്ടം (½), ചതയം, പൂരുരുട്ടാതി (¾)
വ്യവസായം, കാര്‍ഷികം എന്നീ മേഖലയിലുള്ളവര്‍ക്ക് വരുമാനം കുറയും. വളരെയധികം നഷ്ടസാധ്യതകള്‍ കാണുന്നു. കടബാധ്യതയെച്ചൊല്ലി ചില തര്‍ക്കങ്ങള്‍ ഉണ്ടായെന്ന് വരും. പകര്‍ച്ചവ്യാധി വരാതെ ശ്രദ്ധിക്കണം.
മീനക്കൂറ്: പൂരുരുട്ടാതി (¼), ഉതൃട്ടാതി, രേവതി
പ്രവര്‍ത്തന വിജയം, സാമ്പത്തികാഭിവൃദ്ധി, മനഃസ്വസ്ഥത, കുടുംബ സമാധാനം, ഐശ്വര്യം എന്നിവ അനുഭവപ്പെടും. സുഹൃത്തുക്കളുടെയും ബന്ധുക്കളുടെയും സഹകരണം, സന്തോഷം ഇവയും സൂചിപ്പിക്കപ്പെടുന്നു. സ്വന്തം നിലവാരത്തെക്കുറിച്ചും നേട്ടങ്ങളെക്കുറിച്ചും തികച്ചും ബോധവാനായിരിക്കും. സന്താനങ്ങള്‍ക്ക് ജോലിയില്‍ പ്രവേശിക്കാനവസരമുണ്ടാകും.
പ്രതികരിക്കാൻ ഇവിടെ എഴുതുക