കോഴിക്കോട്: പേരാമ്പ്ര നൊച്ചാട് സ്വദേശിനി അനുവിന്റെ മരണത്തില് മലപ്പുറം സ്വദേശി കസ്റ്റഡിയില്. സംഭവം നടന്ന സ്ഥലത്ത് ദുരൂഹസാഹചര്യത്തില് കണ്ട പശ്ചാത്തലത്തിലാണ് ഇയാളെ കസ്റ്റഡിയിലെടുത്തത്. സമീപമുള്ള സിസിടിവി ക്യാമറയില് ഇയാളുടെ ദൃശ്യം പതിഞ്ഞിരുന്നു.
അനുവിനെ കൊലപ്പെടുത്തിയതാണെന്ന നിഗമനത്തില് നേരത്തെ പൊലീസ് എത്തിച്ചേര്ന്നിരുന്നു. മൃതദേഹം കണ്ടെത്തിയ സ്ഥലത്തിന് സമീപം ചുവന്ന ബൈക്കില് എത്തിയ ആളെ കേന്ദ്രീകരിച്ച് അന്വേഷണം നടത്തിവരവെയാണ് മലപ്പുറം സ്വദേശിയെ സിസിടിവി ക്യാമറയില് കണ്ടത്.
നേരത്തെ മോഷണക്കേസുകളില് പ്രതിയായിട്ടുളള ആളാണ് ഇതെന്നാണ് വിവരം.
തിങ്കളാഴ്ചയാണ് വാളൂര് സ്വദേശിനി അനുവിനെ കാണാതാകുന്നത്. രാവിലെ വീട്ടില് നിന്നിറങ്ങിയ അനുവിനെ കുറിച്ച് വിവരങ്ങളൊന്നും പിന്നീട് ലഭിച്ചില്ല. ചൊവ്വാഴ്ച രാവിലെ വീട്ടില് നിന്ന് ഒരു കിലോമീറ്റര് മാത്രം അകലെയുളള നൊച്ചാട് തോട്ടില് അനുവിന്റെ മൃതദേഹം കണ്ടെത്തി. മുട്ടൊപ്പം വെള്ളം മാത്രമുള്ള തോട്ടില് മുങ്ങിമരിക്കില്ലെന്നത് ഉറപ്പാണ് . ഇതോടെയാണ് കൊലപാതകമാകാമെന്ന സംശയം ശക്തമായത്.
അനു അണിഞ്ഞിരുന്ന ആഭരണങ്ങളും നഷ്ടപ്പെട്ടിരുന്നു. വസ്ത്രത്തിന്റെ ചില ഭാഗങ്ങളും മൃതദേഹത്തിലുണ്ടായിരുന്നില്ല.
