ഇതെന്തൊക്കെ വിഢ്ഢിത്തമാണ് പ്രിയങ്ക പ്രസംഗിക്കുന്നത്?…അദാനിയും അംബാനിയും ജനങ്ങള്‍ക്ക് വേണ്ടി ഒന്നും നിര്‍മ്മിക്കുന്നില്ലെന്ന് പ്രിയങ്ക

ന്യൂദല്‍ഹി: പ്രിയങ്ക ഗാന്ധി അദാനിയ്‌ക്കും അംബാനിയ്‌ക്കും എതിരെ നടത്തിയ വിഡ്ഢിത്തം നിറഞ്ഞ ഒരു പ്രസംഗം സമൂഹമാധ്യമങ്ങളില്‍ വൈറല്‍ ആയി പ്രചരിക്കുകയാണ്. വാര്‍ത്ത ഏജന്‍സിയായി പ്രസ് ട്രസ്റ്റ് ഓഫ് ഇന്ത്യ പങ്കുവെച്ച ഒരു പ്രിയങ്കയുടെ പ്രസംഗത്തിന്റെ വീഡിയോയില്‍ നിന്നുള്ള ഒരു പ്രസംഗശകലം ആണഅ സമൂഹമാധ്യമങ്ങളില്‍ പ്രചരിക്കുന്നത്.

പ്രിയങ്ക ഗാന്ധിയുടെ അദാനിയ്‌ക്കും അംബാനിയ്‌ക്കും എതിരായ പ്രസംഗം:

🚨Priyanka Gandhi on Again trolled on Ambani-Adani remarks.
This time she questioned about the profession of Adani and Ambani.#MukeshAmbani #GautamAdani #PriyankaGandhi #RahulGandhi pic.twitter.com/SuuKtQLGLn

— Bharat News Network (@NewsBharatNet) March 7, 2024

പണ്ട് നമുക്ക് ടാറ്റയെയും ബിര്‍ളയെയും ഒക്കെ അറിയാം. ടാറ്റ ജനങ്ങള്‍ക്ക് വേണ്ടി ട്രക്കുകള്‍ ഉണ്ടാക്കുന്നു, വാഹനങ്ങള്‍ ഉണ്ടാക്കുന്നു. അതുപോലെ നമുക്കറിയാം ആരാണ് നമുക്ക് വസ്ത്രങ്ങള്‍ ഉണ്ടാക്കുന്നത് എന്ന്. ആരാണ് നമുക്ക് വേണ്ടി പാത്രങ്ങള്‍ ഉണ്ടാക്കുന്നത് എന്ന്. വലിയ വലിയ വ്യവസായികള്‍ നമ്മുടെ സൗകര്യങ്ങള്‍ക്ക് വേണ്ടിയാണ് ഇതെല്ലാം ഉണ്ടാക്കുന്നത്.

“ഇന്ന് അദാനിയും അംബാനിയും എന്താണ് ഉണ്ടാക്കുന്നത്? നിങ്ങള്‍ക്ക് ആര്‍ക്കെങ്കിലും അറിയാമോ അവര്‍ എന്താണ് ഉണ്ടാക്കുന്നതെന്ന്? എത്ര തൊഴിലാളികള്‍ അവര്‍ക്ക് വേണ്ടി പണിയെടുക്കുന്നു എന്ന് ആര്‍ക്കെങ്കിലും അറിയാമോ? ഉത്തരം പറയൂ നിങ്ങള്‍. മനസ്സിലാക്കാന്‍ വേണ്ടിയാണ് ചോദിക്കുന്നത്. “- അദാനിയെയും അംബാനിയെയും കടന്നാക്രമിച്ചുകൊണ്ട് പ്രിയങ്ക പൊതുയോഗത്തില്‍ ചോദിക്കുന്നു.

“നിങ്ങള്‍ക്ക് ഒന്നും പറയാന്‍ കഴിയില്ല. ഒന്നും അവര്‍ ഉണ്ടാക്കുന്നില്ല. നിങ്ങള്‍ക്ക് വേണ്ടി അവര്‍ ഒന്നും ഉണ്ടാക്കുന്നില്ല” – പ്രിയങ്ക പറഞ്ഞു നിര്‍ത്തുന്നു.