പത്തനംതിട്ട: പ്രധാനമന്ത്രി നരേന്ദ്രമോദി പങ്കെടുത്ത പത്തനംതിട്ടയിലെ വേദിയില്‍ കോണ്‍ഗ്രസിന്റെ പ്രമുഖ നേതാക്കളായ എ.കെ.ആന്‍ണിയുടെയും കെ. കരുണാകരന്റെയും മക്കള്‍ എത്തി. പത്മജയും അനില്‍ ആന്‍റണിയുമാണ് ഈ വേദി പങ്കിടാനെത്തിയത്.
തൃശൂരില്‍ സുരേഷ് ഗോപിയുടെ വിജയം ഉറപ്പാണെന്ന് പത്മജ പറഞ്ഞു. യുഡിഎഫ് രൂപപ്പെട്ടത് തങ്ങളുടെ വീട്ടിലെ മുറിയില്‍ വെച്ചാണെന്നും അന്ന് കോണ്‍ഗ്രസ് പറഞ്ഞത് മറ്റുള്ള യുഡിഎഫ് അംഗങ്ങള്‍ അനുസരിച്ചിരുന്നെന്നും ഇന്ന് ഒരു പ്രമുഖ സമുദായം പറയുന്നത് കേട്ടാണ് യുഡിഎഫ് നടക്കുന്നതെന്നും മുസ്ലിംലീഗിന്റെ യുഡിഎഫിനുള്ളിലെ ആധിപത്യത്തെ ഓര്‍മ്മച്ചുകൊണ്ട് പത്മജ ആരോപിച്ചു. കോണ്‍ഗ്രസ് ആ രീതിയിലേക്ക് തരം താണുപോയി.
“എല്ലാ ബൂത്തിലും ഒരാളെങ്കിലും എനിക്കുണ്ട്. എന്റെ കഴിവിന്റെ പരമാവധി ഞാന്‍ ഈ പാര്‍ട്ടിക്ക് (ബിജെപി) വേണ്ടി ഉപയോഗിക്കുമെന്നും താന്‍ ഒരു തിരിച്ചുപോക്കിന് വന്നതല്ലെന്നും പത്മജ പറഞ്ഞു. ബിജെപിയുടെ വേദിയില്‍ സ്ത്രീകള്‍ക്ക് പ്രാധാന്യം നല്‍കുന്നത് കണ്ട് കരഞ്ഞുപോയി. കോണ്‍ഗ്രസിലെല്ലാം മുന്‍നിരയില്‍ സ്ത്രീകള്‍ക്ക് സീറ്റ് നല്‍കിയാല്‍ അത് പിന്നിലേക്ക് നീക്കിയിടുന്ന സ്ഥിതിവിശേഷമാണ്.” – പത്മജ പറഞ്ഞു.
പ്രതികരിക്കാൻ ഇവിടെ എഴുതുക: