തിരുവനന്തപുരം: ജസ്ന തിരോധാനക്കേസില് സിബിഐ അന്വേഷണത്തിലെ വീഴ്ച ചൂണ്ടിക്കാട്ടി പിതാവിന്റെ ഹര്ജി. ജസ്നയെ അജ്ഞാത സുഹൃത്ത് ദുരുപയോഗം ചെയ്യാനുള്ള സാധ്യത അന്വേഷിച്ചില്ലെന്നും രക്തം പുരണ്ട വസ്ത്രങ്ങള് ശാസ്ത്രീയ പരിശോധനയ്ക്ക് വിധേയമാക്കിയിട്ടില്ലെന്നും പിതാവ് ഹര്ജിയില് പറയുന്നു.
തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയിലാണ് ഹര്ജി നല്കിയത്. ജസ്നയ്ക്ക് അമിത ആര്ത്തവ രക്തസ്രാവം ഉണ്ടായിരുന്നു. ഇക്കാര്യം സുഹൃത്തിനോട് പറയാനാണ് ജസ്ന വീട് വിട്ടതെന്ന് സംശയിക്കുന്നതായും പിതാവ് ഹര്ജിയില് പറയുന്നു.
കാണാതായ ശേഷം വന്ന ഫോണ്കോളുകള് സിബിഐ അന്വേഷിച്ചില്ല. എന്എസ്എസ് ക്യാമ്പില് പങ്കെടുത്തതും പരിശോധിച്ചില്ല. ഹോസ്റ്റലില് ഒപ്പം താമസിച്ചവരുടെ മൊഴി എടുത്തില്ലെന്നും ഹര്ജിയില് കുറ്റപ്പെടുത്തുന്നു. ഹര്ജി ഈ മാസം 26ന് പരിഗണിക്കും.
