കല്‍ക്കട്ട: നെറ്റിയുടെ മധ്യത്തിലാണ് പരുക്കേറ്റിരിക്കുന്നത്. പരുക്കേറ്റു ആശുപത്രിയില്‍ കഴിയുന്ന മമതാ ബാനര്‍ജിയുടെ ചിത്രം തൃണമൂല്‍ കോണ്‍ഗ്രസ് ഔദ്യോഗിക എക്‌സ് പ്ലാറ്റ് ഫോമില്‍ പങ്കുവച്ചു. നെറ്റിയില്‍ നിന്ന് രക്തം വരുന്ന രീതിയില്‍ ആശുപത്രി കിടക്കയില്‍ നിന്നുള്ള മമതയുടെ ചിത്രങ്ങളാണ് സമൂഹമാധ്യമത്തില്‍ പങ്കുവച്ചത്.
”ഞങ്ങളുടെ അധ്യക്ഷ മമതാ ബാനര്‍ജിക്ക് ഗുരുതരമായി പരുക്കേറ്റു. നിങ്ങളുടെ പ്രാര്‍ഥനയില്‍ അവരെ കൂടി ഉള്‍പ്പെടുത്തൂ.” എന്ന കുറിപ്പോടെയാണ് തൃണമൂല്‍കോണ്‍ഗ്രസിന്റെ ഔദ്യോഗിക എക്‌സ് പേജില്‍ പരുക്കേറ്റ മമതയുടെ ചിത്രങ്ങള്‍ എത്തിയത്.
ആദ്യം കൊല്‍ക്കത്തയിലെ എസ്എസ്‌കെഎം ആശുപത്രിയില്‍ കൊണ്ടുവന്നു. തുടര്‍ന്ന് ഇന്‍സ്റ്റിറ്റിയൂട്ട് ഓഫ് ന്യൂറോ സയന്‍സസിലേക്ക് മാറ്റി.എന്നാല്‍, തുന്നലിനും ആവശ്യമായ പരിശോധനകള്‍ക്കും ശേഷം മുഖ്യമന്ത്രിയുടെ വസതിയിലേക്ക് കൊണ്ടുപോയി. ഡോക്ടര്‍മാര്‍ വിശ്രമം നിര്‍ദ്ദേശിച്ചിരിക്കുകയാണ്.
മമതയുടേത് തെരഞ്ഞെടുപ്പില്‍ സഹതാപം ഉണ്ടാക്കാനുള്ള തന്ത്രമെന്ന വിമര്‍ശനം ഉയര്‍ന്നിട്ടുണ്ട്. കഴിഞ്ഞ തെരഞ്ഞെടുപ്പുകാലത്ത് കാലില്‍ പാസ്റ്റര്‍ ഇട്ട് മമത വോട്ടു തേടിയിരുന്നു.
നന്ദിഗ്രാമിലെ പ്രചാരണത്തിനിടെ പരിക്കേറ്റ മമത ബാനര്‍ജി കൊല്‍ക്കത്തയിലെ ആശുപത്രിയില്‍ പ്ലാസ്റ്ററിട്ട കാലുമായി കിടക്കുന്നതായി കാണപ്പെട്ടചിത്രം അനന്തരവന്‍ കൂടിയായ തൃണമൂല്‍ എംപി അഭിഷേക് ബാനര്‍ജി ചിത്രം ട്വിറ്ററില്‍ പങ്കിട്ടത്.
പ്രതികരിക്കാൻ ഇവിടെ എഴുതുക: