വാഷിംഗ്ടൺ: യുഎസ് സംസ്ഥാനമായ ഫ്ലോറിഡയിൽ വാട്ടർ ക്രാഫ്റ്റ് മറ്റൊന്നുമായി കൂട്ടിയിടിച്ച് 27 കാരനായ ഇന്ത്യൻ വിദ്യാർത്ഥി മരിച്ചു.തെലങ്കാനയിൽ നിന്നുള്ള വെങ്കിട്ടരമണ പിത്തല എന്നയാളാണ് മരിച്ചത്. ഇൻഡ്യാനപൊളിസിലെ ഇന്ത്യാന യൂണിവേഴ്‌സിറ്റി പർഡ്യൂ യൂണിവേഴ്‌സിറ്റിയിലെ ബിരുദ വിദ്യാർത്ഥിയായിരുന്നു പിത്തല.
വാടകയ്‌ക്ക് എടുത്ത യമഹ പേഴ്‌സണൽ വാട്ടർക്രാഫ്റ്റ് ആണ് വെങ്കിട്ടരമണ ഓടിച്ചിരുന്നത്. ശനിയാഴ്ച സൗത്ത് ഫ്ലോറിഡ മെയിൻലാൻഡിൽ നിന്നുള്ള 14 വയസ്സുള്ള ആൺകുട്ടി ഓടിച്ചിരുന്ന വാട്ടർക്രാഫ്റ്റുമായി കൂട്ടിയിടിച്ചതായി ഫ്ലോറിഡ ഫിഷ് ആൻഡ് വൈൽഡ് ലൈഫ് കൺസർവേഷൻ കമ്മീഷൻ അറിയിച്ചു.
പിത്തലയുടെ മൃതദേഹം തെലങ്കാനയിലെ കുടുംബത്തിലേക്ക് തിരികെ അയയ്‌ക്കുന്നതിന് ഫണ്ട് സ്വരൂപിക്കുന്നതിനായി ” ഗോ ഫണ്ട് മി ” കാമ്പയിൻ തുടങ്ങിയിട്ടുണ്ട്. മെയ് മാസത്തിലാണ് ഇയാൾ ബിരുദം നേടാനായി യുഎസിലെത്തിയത്.
പ്രതികരിക്കാൻ ഇവിടെ എഴുതുക: