ന്യൂദല്ഹി:ചെസ് ലോകകപ്പില് രണ്ടാം സ്ഥാനം നേടിയ പ്രജ്ഞാനനയ്ക്ക് സമ്മാനിക്കുമെന്ന് പ്രഖ്യാപിച്ചിരുന്ന എക്സ് യുവി 400 ഇലക്ട്രിക് കാര് കഴിഞ്ഞ ദിവസം സമ്മാനിച്ച് ആനന്ദ് മഹീന്ദ്ര. ലോകചാമ്പ്യന് മാഗ്നസ് കാള്സനുമായി ഗംഭീരപോരാട്ടം കാഴ്ചവെച്ച പ്രജ്ഞാനന്ദയെ അന്നേ ആനന്ദ് മഹീന്ദ്ര അഭിനന്ദിച്ചിരുന്നു.
Received XUV 400 , My Parents are very happy 😊 Thank you very much @anandmahindra sir🙏 https://t.co/5ZmogCLGF4 pic.twitter.com/zmwMP2Ltza
— Praggnanandhaa (@rpraggnachess) March 12, 2024
മഹീന്ദ്രയുടെ എക്സ് യുവി 400 ലഭിച്ച വിവരം പ്രജ്ഞാനന്ദ തന്നെ സമൂഹമാധ്യമമായ എക്സില് പങ്കുവെച്ചിരുന്നു. തന്റെ മാതാപിതാക്കള്ക്ക് വാഹനം സംഭാവന ചെയ്തതില് പ്രജ്ഞാനന്ദ നന്ദി പറഞ്ഞിരുന്നു.പ്രജ്ഞാനന്ദയ്ക്ക് ഥാര് സമ്മാനിക്കണമെന്ന് പലരും അന്നേ ആനന്ദ് മഹീന്ദ്രയോട് ആവശ്യപ്പെട്ടിരുന്നെങ്കിലും ഏത് വാഹനമാണ് നല്കാന് പോകുന്നതെന്ന കാര്യം രഹസ്യമാക്കി വെയ്ക്കുകയായിരുന്നു ആനന്ദ് മഹീന്ദ്ര. ഏകദേശം 15.5 ലക്ഷം മുതല് 19.5 ലക്ഷം വരെയാണ് ഈ ഇലക്ട്രിക് കാറിന്റെ വില.
സ്പപ്നങ്ങളെ യാഥാര്ത്ഥ്യമാക്കുകയാണ് ഒരു കാര് നിര്മ്മാതാവിന്റെ ആത്യന്തിക ലക്ഷ്യമെന്ന് ആനന്ദ് മഹീന്ദ്ര പ്രഗ്നാനന്ദയും കുടുംബവും എക്സ് യുവി 400ന് മുന്പില് നില്ക്കുന്ന ചിത്രം പങ്കുവെച്ചുകൊണ്ട് സമൂഹമാധ്യമത്തില് കുറിച്ചു.
പ്രജ്ഞാനന്ദ ലോകറാങ്കിങ്ങില് ഒന്നാം സ്ഥാനത്തുള്ള ഇന്ത്യക്കാരന്
ഇപ്പോള് ഫിഡെ ലോകറാങ്കിങ്ങില് ഈയിടെ ഇന്ത്യന് താരങ്ങളില് ഒന്നാം സ്ഥാനത്തേക്ക് പ്രജ്ഞാനന്ദ കുതിച്ചിരുന്നു. 2024 ജനവരിയില് ടാറ്റാ സ്റ്റീല് ചെസില് ലോകചാമ്പ്യനായ ഡിങ് ലിറനെ അട്ടിമറിച്ചതോടെയാണ് അന്ന് പ്രജ്ഞാനന്ദയുടെ റാങ്ക് ഉയര്ന്നത്. ഇപ്പോള് പ്രഗ്നനാന്ദ ഇന്ത്യക്കാരില് ആനന്ദിനും, അര്ജുന് എരിഗെയ്സിക്കും ഡി. ഗുകേഷിനും പിന്നില് നാലാം സ്ഥാനത്താണ്.
ഈയിടെ നടന്ന പ്രാഗ് ചെസ്സില് ഉസ്ബെക്കിസ്ഥാന്റെ അബ്ദുസത്തറോവിന് പിന്നാലെ പ്രജ്ഞാനന്ദ രണ്ടാം സ്ഥാനം നേടിയിരുന്നു. ഈ ടൂര്ണ്ണമെന്റില് ഡി.ഗുകേഷ്, വിദിത് ഗുജറാത്തി എന്നിവരെ പിന്തള്ളിയാണ് പ്രജ്ഞാനന്ദ രണ്ടാം സ്ഥാനം നേടിയത്.
