കോഴിക്കോട്: കച്ചവടത്തിനായി എത്തിച്ച കഞ്ചാവ് ശേഖരവുമായി അതിഥി തൊഴിലാളി പിടിയിലായി. പശ്ചിമ ബംഗാള് ജയ്പാല്ഗുരി ജില്ലയിലെ പരിഹാര്പൂര് സ്വദേശി സഹജന് അലി(29) ആണ് പിടിയിലായത്. ഇയാളുടെ പക്കല് നിന്നും 3.200 കിലോഗ്രാം കഞ്ചാവ് പിടിച്ചെടുത്തു.
കഴിഞ്ഞ രാത്രിയാണ് ഇയാള് പിടിയിലായത്.കോഴിക്കോട് എക്സൈസ് കമ്മീഷണറുടെ പ്രത്യേക സ്ക്വാഡിലെ എക്സൈസ് ഇന്സ്പെക്ടര്ക്ക് ലഭിച്ച രഹസ്യ വിവരത്തെ തുടര്ന്നാണ് പ്രതി പിടിയിലായത്.
കട്ടാങ്ങലിന് സമീപം കുറുങ്ങോട്ട് കടവ് പാലത്തിനടുത്തുവെച്ചാണ് സഹജന് അലിയെ പിടികൂടിയത്. ഇയാളുടെ കൈവശമുണ്ടായിരുന്ന ബാഗില് ഒളിപ്പിച്ച നിലയിലായിരുന്നു കഞ്ചാവ് ശേഖരം.
ഒഡീഷയില് നിന്നുമാണ് കഞ്ചാവ് കൊണ്ടുവന്നത്. താമരശേരി ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു.
