രാംലല്ലയുടെ ആരതി നേരില്‍ കാണാം; ദൂരദര്‍ശനില്‍ രാവിലെ 6.30 മുതല്‍

അയോധ്യയില്‍ പോയി രാംലല്ലയെ കാണാന്‍ കൊതിക്കുന്നവര്‍ ആശ്വാസിക്കാം. അതിനുള്ള വഴി ദൂരദര്‍ശന്‍ ഒരുക്കുന്നു. അയോധ്യരാമക്ഷേത്രത്തിലെ ആരതി ദിവസവും സംപ്രേക്ഷണം ചെയ്യാനൊരുങ്ങുകയാണ് ദൂരദര്‍ശന്‍. രാവിലെ 6.30മുതല്‍ ദര്‍ശന സൗഭാഗ്യം നേടാം.

എല്ലാ ദിവസവും രാംലല്ലയുടെ ദിവ്യ ദര്‍ശനമായിരിക്കുമെന്നാണ് ദൂരദര്‍ശന്‍ അറിയിച്ചിരിക്കുന്നത്. ‘ഇനി മുതല്‍ എല്ലാ ദിവസവും രാംലല്ലയുടെ ആരതി ദര്‍ശിക്കാമെന്നും തത്സമയം രാവിലെ 6.30 മുതല്‍ ഡിഡി ഡിഡി നാഷണലില്‍ കാണാമെന്നും’ തങ്ങളുടെ ഔദ്യോഗിക എക്‌സ് അക്കൗണ്ടില്‍ കുറിച്ചു.

मंगल भवन अमंगल हारी।
द्रवहु सुदसरथ अजिर बिहारी।।

अब हर दिन होंगे प्रभु श्री रामलला के दिव्य दर्शन! देखिए अयोध्या में श्री रामलला मंदिर से नित्य आरती का #Live प्रसारण, प्रतिदिन प्रातः 6:30 बजे सिर्फ #DDNational पर।

यहां देखें: https://t.co/EoHcFfvlXT#Ayodhya #RamMandir… pic.twitter.com/l5SSwHkNGZ

— Doordarshan National दूरदर्शन नेशनल (@DDNational) March 12, 2024

അയോധ്യ ക്ഷേത്രം സന്ദര്‍ശിക്കാന്‍ കഴിയാത്ത ഭക്തര്‍ക്ക് ഇനി ദര്‍ശനം ദൂരദര്‍ശനിലൂടെ സാധ്യമാകുമെന്നും ഡിഡി നാഷണലിന്റെ വക്താവ് പറഞ്ഞു. രാംലല്ല പ്രതിഷ്ഠയ്‌ക്ക് ശേഷം ആരതി തല്‍സമയം സംപ്രേക്ഷണം ചെയ്യാനുള്ള അനുമതിക്കായി തങ്ങള്‍ ശ്രമിച്ചുകൊണ്ടിരിക്കുകയായിരുന്നു എന്നും ഇപ്പോള്‍ അനുമതി ലഭിച്ചിരിക്കുകയാണെന്നും ദൂരദര്‍ശന്‍ വക്താവ് പറഞ്ഞു.