തൃശൂര് : കാര്ഷിക സര്വ്വകലാശാലയെ രാഷ്ട്രീയ മുക്തമാക്കുമെന്നും ലോകോത്തര നിലവാരത്തിലെത്തിക്കാന് പ്രയത്നിക്കുമെന്നും സുരേഷ് ഗോപി പറഞ്ഞു. വിവിധ പദ്ധതികളില് പ്രവര്ത്തിക്കുന്ന ഗവേഷകരെയും സര്വകലാശാല തൊഴിലാളികളെയും സന്ദര്ശിച്ച ശേഷം സംസാരിക്കുകയായിരുന്നു അദ്ദേഹം.
കശുമാങ്ങയില്നിന്നും ഉണ്ടാക്കിയ സോഡ ആസ്വദിക്കുകയും ചെയ്തു.ഗവേഷകരും തൊഴിലാളികളും ചെയ്യുന്ന സേവനത്തെ അഭിനന്ദിക്കുകയും ചെയ്തു. സുരേഷ്ഗോപിയുടെ ഇന്നലത്തെ പര്യടനം താണിക്കുടം ക്ഷേത്ര ദര്ശനത്തോടെയാണ് ആരംഭിച്ചത്. പൊങ്ങണംകാട് എസ്എന്ഡിപി ക്ഷേത്രം,ഓഫീസ്, ഷകീന ചാനല് ഓഫീസ് തുടങ്ങി വിവിധ കേന്ദ്രങ്ങളില് സന്ദര്ശനം നടത്തി.
പട്ടിക്കാട് ആയിരങ്ങള് പങ്കെടുത്ത പ്രകടനവും പൊതു സമ്മേളനവും നടന്നു .വിവിധ രാഷ്ട്രീയ പാര്ട്ടികളില്പെട്ട നൂറിലേറെപ്പേര് സുരേഷ് ഗോപിയില് നിന്നും ബിജെപി അംഗത്വം സ്വീകരിച്ചു. വൈകിട്ട് പയ്യനം കോളനിയും സന്ദര്ശിച്ചു.
