കോഴിക്കോട്: ‘വടകരയിലുള്ള ന്യൂനപക്ഷക്കാരിയായ സ്ത്രീ’ യെ സ്ഥാനാര്ത്ഥിയാക്കാത്തതിലുള്ള കോണ്ഗ്രസ് ദേശീയ വക്താവ് ഷമാ മുഹമ്മദിന്റെ പരിമര്ശത്തിന് ട്രോളന്മാരുടെ പരിഹാസമഴ.
ഒരു ചാനലിനോട് സംസാരിക്കവെയാണ് വടകരയില്തന്നെ ന്യൂനപക്ഷ വിഭാഗത്തില് പെട്ട സ്ത്രീകളുണ്ടായിട്ടും സ്ഥാനാര്ത്ഥിത്വത്തിന് പരിഗണിച്ചില്ലെന്ന് ഷമ പരിതപിച്ചത്. അതിന്റെ തുടര്ച്ചയായി തന്റെ അമ്മ വീട് അവിടെയാണെന്നും അവര് പറയുന്നുണ്ട്. തനിക്ക് സ്ഥാനാര്ത്ഥിത്വം നല്കിയില്ലെന്ന് നേരിട്ടു പറയുന്നതിനു പകരം ഇത്തരത്തില് വളഞ്ഞു മൂക്കു പിടിച്ചതിനെയാണ് ട്രോളന്മാര് പരിഹസിച്ചത്.
ചാനല് ചര്ച്ചകളിലെ ഷമയുടെ ‘ക്ഷമ’യില്ലാത്ത പ്രകടനം വോട്ടര്മാര് ഏറെ കണ്ടിട്ടുള്ളതാണ്. അതിനാല് തന്നെ സ്ഥാനാര്ത്ഥിയാക്കിയാല് നോട്ടക്കുള്ള വോട്ടു പോലും ഷമയ്ക്ക് കിട്ടില്ലെന്നായിരുന്നു ഒരു കോണ്ഗ്രസ് നേതാവ് ഇതോട് പ്രതികരിച്ചത്. മാത്രമല്ല, കോണ്ഗ്രസ് സംസ്ഥാന അദ്ധ്യക്ഷന് തന്നെ അവരെ തള്ളിപ്പറയുകയും ചെയ്തു.
