കിളിമാനൂര്‍: ടിപ്പര്‍ ലോറി സ്‌കൂട്ടറിന്റെ പിന്നിലിടിച്ച് അമ്മയ്‌ക്കൊപ്പം സഞ്ചരിച്ച ബാലന്‍ മരിച്ചു. കിളിമാനൂര്‍ മണ്ഡപ കുന്ന് സ്വദേശിയും കടയ്‌ക്കല്‍ കോട്ടപ്പുറം ഇളമ്പഴന്നൂര്‍ ദേവപ്രഭയില്‍ രതീഷ് സോജ ദമ്പതികളുടെ മകന്‍ പ്രഭുല്‍ (14)ആണ് മരിച്ചത്.
കടയ്‌ക്കല്‍ കുറ്റിക്കാട് സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ് പ്രഭുല്‍. ഇന്നലെ രാവിലെ 10 മണിയോടെ സംസ്ഥാനപാതയില്‍ തട്ടത്തുമലക്ക് സമീപം വെച്ചാണ് അപകടം നടന്നത്. കിളിമാനൂര്‍ മണ്ഡപ കുന്നിലെ വീട്ടിലേക്ക് വരുമ്പോള്‍ പിന്നില്‍ നിന്നും വന്ന ടിപ്പര്‍ ലോറി സ്‌കൂട്ടിയില്‍ ഇടിക്കുകയായിരുന്നു.
അപകടത്തെ തുടര്‍ന്ന് വെഞ്ഞാറമൂട് സ്വകാര്യ മെഡിക്കല്‍ കോളേജ് ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍ കോളേജാശുപത്രിയിലും ബാലനെ എത്തിച്ചെങ്കിലും രാത്രിയോടെ മരിക്കുകയായിരുന്നു. സോജക്ക് പരിക്ക് ഉണ്ട്. ഭര്‍ത്താവ് രതീഷ് വിദേശത്താണ്. സംഭവത്തില്‍ കിളിമാനൂര്‍ പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: