തിരുവനന്തപുരം: സിദ്ധാര്‍ത്ഥന്റെ മരണത്തില്‍ ഗുരുതര ആരോപണവുമായി അച്ഛന്‍ ജയപ്രകാശ് വീണ്ടും രംഗത്ത്. ട്രെയിനില്‍ വച്ച് സിദ്ധാര്‍ത്ഥനെ കൊലപ്പെടുത്താന്‍ പദ്ധതിയിട്ടിരുന്നതായി അദ്ദേഹം പറഞ്ഞു. മൂന്ന് ദിവസമായി ആഹാരം കഴിക്കാന്‍ പോലും അനുവദിക്കാതെ ക്രൂരമായി മര്‍ദനമേറ്റ സിദ്ധാര്‍ത്ഥന്‍ വെന്റിലേഷനില്‍ തൂങ്ങി എന്ന് പറയുന്നത് വിശ്വസിക്കാനാകില്ല.
ഇപ്പോഴും പോലീസിന്റെ പ്രതിപ്പട്ടികയിലോ ആന്റി റാഗിങ് സ്‌ക്വാഡ് റിപ്പോര്‍ട്ടിലോ ഉള്‍പ്പെടാത്ത പ്രതികളുണ്ട്, പോലീസോ ഡീനോ പറഞ്ഞ എല്ലാ കാര്യങ്ങളും വിശ്വസനീയമല്ല. നീതിക്കുവേണ്ടിയുള്ള പോരാട്ടത്തില്‍ വിവിധ രാഷ്‌ട്രീയ പാര്‍ട്ടികളും മാധ്യമങ്ങളും ജാതിമതഭേദമില്ലാതെ കേരളത്തിലെ നിരവധി മനുഷ്യരും തങ്ങള്‍ക്കൊപ്പം നിന്നു. അതേസമയം സന്തോഷിക്കാനോ ആശ്വസിക്കാനോ തങ്ങള്‍ക്കാകില്ല, മകന്‍ നഷ്ടപ്പെട്ട വേദന തീരില്ലെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: