ആലപ്പുഴ : എന് ഡി എ ഘടക കക്ഷിയായ ബിഡിജെഎസ് ലോകസഭാ തെരഞ്ഞെടുപ്പില് മത്സരിക്കുന്ന നാല് സീറ്റില് രണ്ടിടത്ത് സ്ഥാനാര്ത്ഥികളെ പ്രഖ്യാപിച്ചു. ചാലക്കുടിയില് കെ എ ഉണ്ണിക്കൃഷ്ണനും മാവേലിക്കരയില് ബൈജു കലാശാലയും മത്സരിക്കും.
കോട്ടയം ഇടുക്കി സ്ഥാനാര്ത്ഥികളില് ചര്ച്ച നടക്കുന്നു. ബിഡിജെഎസ് കോട്ടയം, ഇടുക്കി, മാവേലിക്കര, ചാലക്കുടി സീറ്റുകളിലാണ് മത്സരിക്കുന്നത്.
കോട്ടയത്ത് പാര്ട്ടി സംസ്ഥാന അധ്യക്ഷന് തുഷാര് വെള്ളാപ്പള്ളി മത്സരിച്ചേക്കും. ഇടുക്കി സീറ്റില് സ്ഥാനാര്ത്ഥിയെ നിശ്ചയിക്കാന് സംസ്ഥാന അധ്യക്ഷന് തുഷാര് വെള്ളാപ്പള്ളിയെ സംസ്ഥാന എക്സിക്യുട്ടിവ് യോഗം ചുമതലപ്പെടുത്തിയിരുന്നു.
ഉടുമ്പന്ചോല മുന് എം എല് എ കേരളാ കോണ്ഗ്രസ് മുന് നേതാവ് മാത്യു സ്റ്റീഫന്റെ പേരും ഇടുക്കി സീറ്റിലേക്ക് പരിഗണനയിലുണ്ടെന്നാണ് വിവരം.ബിജെപി യുമായി ആലോചിച്ചായിരിക്കും ബിഡിജെഎസ് ഇക്കാര്യത്തില് അന്തിമ തീരുമാനമെടുക്കുക.
