ധരംശാല : ഇംഗ്ലണ്ടിനെതിരായ ടെസ്റ്റ് പരമ്പരയിലെ അഞ്ചാമത്തേതും അവസാനത്തേതുമായ ടെസ്റ്റില് ഇന്ത്യക്ക് ഇന്നിംഗ്സ് വിജയം. ഇന്നിംഗ്സിനും 64 റണ്സിനുമാണ് ഇന്ത്യ വിജയിച്ചത്.ഇംഗ്ലണ്ടിനെ 195 റണ്ണിനാണ് ഇന്ത്യ പുറത്താക്കിയത്.
ഇതോടെ ഇന്ത്യ പരമ്പര 4-1ന് സ്വന്തമാക്കി. അശ്വിന് അഞ്ച് വിക്കറ്റ് വീഴ്ത്തി.
സാക് ക്രോലി (0) ഡക്കറ്റ്(2), ഒലി പോപ് (19), സ്റ്റോക്സ് (2) , ഫോക്സ്(8) എന്നിവരെ അശ്വിന് പുറത്താക്കി. 39 റണ് എടുത്ത ബെയര്സ്റ്റോയെ കുല്ദീപും പുറത്താക്കി. പിന്നീട് വുഡിനെയും ഹാര്ട്ലിയെയും ബുമ്ര വീഴ്ത്തി. ബഷീറിനെ ജഡേജയും റൂട്ടിനെ കുല്ദീപും പുറത്താക്കിയതോടെ വിജയം സമ്പൂര്ണം..
84 റണ്സുമായി റൂട്ട് പൊരുതിയെങ്കിലും കാര്യമുണ്ടായില്ല. ഇന്ത്യയുടെ ആദ്യ ഇന്നിംഗ്സ് ശനിയാഴ്ച രാവിലെ 477ന് അവസാനിച്ചിരുന്നു. 473-8 എന്ന നിലയില് ഇന്ന് കളി ആരംഭിച്ച ഇന്ത്യ നാല് റണ്സ് കൂടെ ചേര്ക്കുന്നതിനിടയില് ബാക്കി രണ്ട് വിക്കറ്റ് കൂടി വീണു. ഇന്ത്യയുടെ ലീഡ് 259 റണ്സ് ആണ്.
ബുമ്രയും കുല്ദീപും 20 റണ്സ് വീതമെടുത്ത് പുറത്തായി. സിറാജ് പുറത്താകാതെ നിന്നു. ഇംഗ്ലണ്ടിനായി ഷൊഹൈബ് ബഷീര് 5 വിക്കറ്റ് വീഴ്ത്തി.
നേരത്തെ ആദ്യ ഇന്നിംഗ്സില് ഇംഗ്ലണ്ട് 218ന് എല്ലാവരും പുറത്തായിരുന്നു.
