മുംബൈ : മഹാരാഷ്ട്ര സഹകരണ ബാങ്ക്(എംഎസ്സിബി) അഴിമതി കേസില് ശരദ് പവാറിന്റെ അനന്തരവന് രോഹിത് പവാറിന്റെ സ്വത്തുക്കള് കണ്ടുകെട്ടി. നാഷണല് കോണ്ഗ്രസ് പാര്ട്ടി(ശരദ്പവാര്) വിഭാഗത്തിന്റെ എംഎല്എ കൂടിയായ ഇയാളുടെ ബാരാമതി അഗ്രോ ലിമിറ്റഡ് എന്ന കമ്പനിയാണ് ഇ ഡി കണ്ടുകെട്ടിയത്.
സഹകരണ ബാങ്ക് അഴിമതിയില് രോഹിത്തിന് പങ്കുണ്ടെന്ന തെളിവുകളുടെ അടിസ്ഥാനത്തിലാണ് ഇ ഡിയുടെ ഈ നടപടി. അടുത്തിടെ സംസ്ഥാന പോലീസിന്റെ സാമ്പത്തിക കുറ്റാന്വേഷണ സംഘത്തിന്റെ റിപ്പോര്ട്ടിലും രോഹിത്തിനെതിരെ തെളിവുണ്ട്. എന്സിപി എംഎല്എ പ്രജക്ത് തന്പുരക്കെതിരെയും കുറ്റപത്രത്തില് പരാമര്ശിക്കുന്നുണ്ട്.
രോഹിത്തിന്റെ ഔറംഗാബാദിലുള്ള 161.30 ഏക്കര് ഭൂമിയും, യന്ത്ര സംവിധാനങ്ങളും, പഞ്ചസാര മില്ലുമാണ് ഇ ഡി കണ്ടുകെട്ടിയത്.
