കോട്ടയം: എന്‍ ഡി എ ഘടകകക്ഷിയായ ബിഡിജെഎസ് നേതാവ് തുഷാര്‍ വെള്ളാപ്പള്ളി പെരുന്നയിലെ എന്‍ എസ് എസ് ആസ്ഥാനത്തെത്തി ജനറല്‍ സെക്രട്ടറി സുകുമാരന്‍ നായരുമായി കൂടിക്കാഴ്ച നടത്തി.സുകുമാരന്‍ നായര്‍ പിതൃതുല്യനെന്നും അദ്ദേഹത്തിന്റെ അനുഗ്രഹം വാങ്ങാനാണ് വന്നതെന്നും തുഷാര്‍ വെള്ളാപ്പള്ളി പറഞ്ഞു.
ഭാര്യക്കൊപ്പമാണ് തുഷാര്‍ വെളളാപ്പളളി എന്‍ എസ് എസ് ആസ്ഥാനത്തെത്തിയത്. സ്ഥാനാര്‍ത്ഥിത്വം ആവശ്യപ്പെട്ടാണ് പത്മജ ബി ജെ പിയില്‍ എത്തിയതെന്ന്
കരുതുന്നില്ലെന്ന് തുഷാര്‍ പ്രതികരിച്ചു. ചാലക്കുടിയിലെ സ്ഥാനാര്‍ത്ഥിയെ രണ്ട് ദിവസത്തിനുള്ളില്‍ പ്രഖ്യാപിക്കുമെന്നും കൂട്ടിച്ചേര്‍ത്തു.
കഴിഞ്ഞ ദിവസം തിരുവനന്തപുരത്തെ ബി ജെ പി സ്ഥാനാര്‍ത്ഥി രാജീവ് ചന്ദ്രശേഖറും പെരുന്നയിലെത്തി സുകുമാരന്‍ നായരെ കണ്ടിരുന്നു. തുടര്‍ന്ന് കണിച്ചുകുളങ്ങരയിലെത്തി എസ് എന്‍ ഡി പി യോഗം ജനറല്‍ സെക്രട്ടറി വെളളാപ്പളളി നടേശനുമായും കൂടിക്കാഴ്ച നടത്തി.
പ്രതികരിക്കാൻ ഇവിടെ എഴുതുക: