തൃശൂര്‍: പുരോഗമന ചിന്തയുടെ നിറകുടമാണ് കേരളമെന്ന് പറയുമ്പോഴും ഇന്ത്യയിലെ മറ്റു സംസ്ഥാനങ്ങളില്‍ പോലും സ്ത്രീകള്‍ക്കുള്ള സ്വാതന്ത്ര്യം പോലും കേരളത്തില്‍ നിഷേധിക്കപ്പെടുന്ന സാഹചര്യമാണ് നിലനിക്കുന്നതെന്ന് കോഴിക്കോട് ശ്രീ ഗുരുവായൂരപ്പന്‍ കോളേജ് മുന്‍ ഹിന്ദി മേധാവിയും സാമൂഹിക പ്രവര്‍ത്തകയുമായ ഡോ. വനജ നീലകണ്ഠന്‍ പറഞ്ഞു.
ബിഎംഎസ് ജില്ലാകമ്മിറ്റിയുടെ ആഭിമുഖ്യത്തില്‍ വനിതാദിനത്തോടനുബന്ധിച്ച് വനിതാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അവര്‍. ബിഎംഎസ് ജില്ലാ വൈ. പ്രസിഡന്റ് ദീപ രാജേന്ദ്രന്‍ അധ്യക്ഷയായി. അഖിലേന്ത്യാ സെക്രട്ടറി വി. രാധാകൃഷ്ണന്‍ മുഖ്യ പ്രഭാഷണം നടത്തി.
അഡ്വ. പ്രസര വാസവന്‍, ജില്ലാ പ്രസിഡന്റ് കെ. വി. വിനോദ്, സെക്രട്ടറി സേതു തിരുവെങ്കിടം, ജില്ലാ കമ്മിറ്റി അംഗം കെ. വി. നിത്യ, ജാസ്മിന്‍ റെജി, കുമാരി സുമ,ലക്ഷ്മി എന്നിവര്‍ സംസാരിച്ചു. വിവിധ മേഖലകളില്‍ പ്രാവിണ്യം തെളിയിച്ച വനിതകളെ സംഗമത്തില്‍ ആദരിച്ചു.
പ്രതികരിക്കാൻ ഇവിടെ എഴുതുക: