കോട്ടയത്ത് കെഎസ്ആർടിസി ബസ് മറിഞ്ഞു ; നിരവധി പേർക്ക് പരിക്ക്

കോട്ടയം: എം.സി റോഡിൽ കുര്യത്ത് കാറുമായി കൂട്ടിയിടിച്ച് കെഎസ്ആർടിസി ബസ് മറിഞ്ഞു. കോട്ടയത്ത് നിന്ന് മൂന്നാറിലേക്ക് പോകുകയായിരുന്ന സൂപ്പർ ഫാസ്റ്റ് ബസാണ് മറിഞ്ഞത്. ഇന്ന് രാവിലെ 11 മണിയോടെയായിരുന്നു അപകടം നടന്നത്.

അപകടത്തിൽ നിരവധി പേർക്ക് പരിക്കേറ്റു. ഇവര സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് വിവരം.