പുതുച്ചേരി: കാണാതായ അഞ്ചാംക്ലാസ് വിദ്യാര്ത്ഥിയെ മരിച്ച നിലയില് ഓടയില് നിന്ന് കണ്ടെത്തിയ സംഭവത്തില് രണ്ടു പേര് അറസ്റ്റില്. പുതുച്ചേരി സ്വദേശികളായ കരുണാസ് (19), വിവേകാനന്ദന് (59) എന്നിവരാണ് അറസ്റ്റിലായത്.
ഇരുവരും ലഹരിവസ്തുക്കള്ക്ക് അടിമകളാണ്. ഒന്പതുകാരിയെ വിവേകാനന്ദന്റെ വീട്ടിലെത്തിച്ച് ലൈംഗികമായി പീഡിപ്പിക്കുകയും കൊലപ്പെടുത്തുകയുമായിരുന്നു. മരണമുറപ്പിച്ച ശേഷം കൈകാലുകള് കെട്ടി ഓടയില് തള്ളിയെന്നും പോലീസ് അറിയിച്ചു.
അതിനിടെ, ഇന്നലെ രാവിലെ ഒന്പതോടെ കുട്ടിയുടെ ഭൗതികദേഹം സംസ്കരിച്ചു. വീട്ടിലെ പൊതുദര്ശനത്തിന് ശേഷമായിരുന്നു സംസ്കാരം. കുട്ടിയുടെ കളിപ്പാട്ടങ്ങളും പുസ്തകങ്ങളും ബാഗുമെല്ലാം മൃതദേഹത്തിനൊപ്പം വച്ചിരുന്നു. നൂറുകണക്കിനാളുകളാണ് അന്ത്യോപചാരമര്പ്പിക്കാനെത്തിയിത്.
പുതുച്ചേരി മുഖ്യമന്ത്രി എന്. രംഗസ്വാമിയും, ലഫ്. ഗവര്ണര് തമിഴിശൈ സൗന്ദര്രാജനും വീട്ടിലെത്തി മാതാപിതാക്കളെ ആശ്വസിപ്പിച്ചു. 20 ലക്ഷം രൂപ സഹായധനം പ്രഖ്യാപിച്ചിട്ടുണ്ട്. അതിവേഗ കോടതിയായിരിക്കും കേസ് പരിഗണക്കുകയെന്ന് ലഫ്. ഗവര്ണര് പറഞ്ഞു. കുറ്റവാളികള്ക്ക് പരമാവധി ശിക്ഷ ഉറപ്പാക്കുമെന്നും അവര് കൂട്ടിച്ചേര്ത്തു.
ശനിയാഴ്ച വൈകിട്ടാണ് പെണ്കുട്ടിയെ കാണാതായത്. ദിവസങ്ങള്ക്കു ശേഷം ഓടയില് നിന്ന് ദുര്ഗന്ധമനുഭവപ്പെട്ടതിനെ തുടര്ന്ന് അഴുകിയ നിലയില് കുട്ടിയുടെ മൃതദേഹം കണ്ടെത്തുകയായിരുന്നു.
