തിരുവനന്തപുരം: ബിജെപിയില് ചേര്ന്ന പത്മജ വേണുഗോപാല് തന്തക്ക് പിറന്നതല്ലന്ന് പറഞ്ഞ രാഹുല് മാങ്കൂട്ടത്തിലിനെതിരെ രൂക്ഷവിമര്ശനവുമായി ബിജെപി വക്താവ് സന്ദീപ് വാചസ്പതി. വാര്ത്തയില് ഇടം പിടിക്കലായിരുന്നു ലക്ഷ്യമെങ്കില് അടൂര് ബൈപാസ് വഴി തുണിയില്ലാതെ ഓടുകയായിരുന്നു ഇതിലും ഭേദം. വ്യാജ രേഖ ഉണ്ടാക്കി നേതാവായവന് ഈ നിലവാരമേ ഉണ്ടാകൂ എന്നറിയാം. കവലച്ചട്ടമ്പി ഭാഷ ഉപയോഗിക്കുന്നതില് നിന്ന് ഇയാളെ ഏതെങ്കിലും കോണ്ഗ്രസുകാരന് വിലക്കണം. കയ്യൂക്ക് കാണിക്കാം എന്ന് കരുതുന്നുണ്ടെങ്കില് അത് നാലായി മടക്കി കക്ഷത്തില് വെച്ചാല് മതി.സന്ദീപ് പറഞ്ഞു.
‘ ഇന്നലെ വരെ കെ.കരുണാകരന്റെ മകളുടെ മുന്നില് ഓച്ഛാനിച്ച് നിന്ന ഊച്ചാളിയാണ് ഇന്ന് ഇമ്മാതിരി തറ വര്ത്തമാനം പറയുന്നത്. ജനാധിപത്യ രാജ്യത്ത് ഒരു പാര്ട്ടിയില് നിന്ന് മറ്റൊരു പാര്ട്ടിയിലേക്ക് മാറുന്നത് അക്ഷന്തവ്യമായ അപരാധമാണോ? ഇവനൊക്കെയാണ് ടിപി ചന്ദ്രശേഖരനെ പിണറായി വിജയന് കുലംകുത്തി എന്ന് വിളിച്ചു എന്ന് പറഞ്ഞ് നാട് നീളെ ഫാസിസ്റ്റ് വിരുദ്ധ കൂട്ടായ്മകള് സംഘടിപ്പിച്ചത്. അഭിപ്രായവും നിലപാടും മാറുന്നവരെ തെരുവ് ഗുണ്ടയുടെ ഭാഷയില് അപഹസിക്കുന്നത് കോണ്ഗ്രസ്സ് രീതിയാണോ എന്ന് വലിയ ‘ജനാധിപത്യ ‘ വാദിയായ വി. ഡി സതീശന് വ്യക്തമാക്കണം. നിങ്ങളോട് ചേര്ന്ന് നില്ക്കാത്തവരെ ഒക്കെ ഇങ്ങനെയാണോ നേരിടുന്നത്?
വാര്ത്തയില് ഇടം പിടിക്കലായിരുന്നു ലക്ഷ്യമെങ്കില് അടൂര് ബൈപാസ് വഴി തുണിയില്ലാതെ ഓടുകയായിരുന്നു ഇതിലും ഭേദം. പത്മജാ വേണുഗോപാലിന് കെ.കരുണാകരന്റെ പാരമ്പര്യം അവകാശപ്പെടാന് കഴിയില്ലെന്ന് പറയാന് ഇയാള്ക്ക് ആരാണ് അധികാരം നല്കിയത്. മൂപ്പെത്താതെ പഴുത്തതിന്റെ കുറവ് ഉണ്ടെങ്കിലും ഇമ്മാതിരി കവലച്ചട്ടമ്പി ഭാഷ ഉപയോഗിക്കുന്നതില് നിന്ന് ഇയാളെ ഏതെങ്കിലും കോണ്ഗ്രസുകാരന് വിലക്കണം. വ്യാജ രേഖ ഉണ്ടാക്കി നേതാവായവന് ഈ നിലവാരമേ ഉണ്ടാകൂ എന്നറിയാം. പക്ഷേ അതുപയോഗിച്ച് മലയാളികളുടെ സ്വതന്ത്ര ബുദ്ധിയേയും ജനാധിപത്യ ബോധത്തെയും അട്ടിമറിച്ച് കയ്യൂക്ക് കാണിക്കാം എന്ന് കരുതുന്നുണ്ടെങ്കില് അത് നാലായി മടക്കി കക്ഷത്തില് വെച്ചാല് മതി.’ സന്ദീപ് വാചസ്പതി ഫേസ് ബുക്കില് കുറിച്ചു
