തിരുവനന്തപുരം: സംസ്ഥാനത്ത് വ്യാഴാഴ്ച മുതല് 50 പേരുടെ ഡ്രൈവിംഗ് ടെസ്റ്റ് നടത്തിയാല് മതിയെന്ന് മോട്ടോര് വാഹനവകുപ്പ് ഉദ്യോഗസ്ഥരുടെ യോഗത്തില് മന്ത്രി കെ ബി ഗണേഷ് കുമാര് നിര്ദ്ദേശം നല്കി.
മെയ് ഒന്ന് മുതല് പുതിയ രീതിലുള്ള ഡ്രൈവിംഗ് ടെസ്റ്റ് നടത്തണമെന്നുള്ള ഉത്തരവ് നേരത്തെ പുറത്തിറങ്ങിയിരുന്നു.ആദ്യമായി വിളിച്ച ഉദ്യോഗസ്ഥരുടെ യോഗത്തിലാണ് നാളെ മുതല് 50 പേരുടെ ടെസ്റ്റ് നടത്തിയാല് മതിയെന്ന് ആര്ടിഒമാര്ക്ക് നിര്ദ്ദേശം നല്കിയത്.
സാധാരണ 100 മുതല് 180 പേക്കാണ് ഒരു ദിവസം ടെസ്റ്റ്. ഇത് 50 ആയി ചുരുക്കുമ്പോള് ആരെ ഒഴിവാക്കും, അതിന് മാനദണ്ഡമെന്താക്കും, ഒഴിവാക്കുന്നവര്ക്ക് പുതിയ തീയതി എങ്ങനെ നല്കുമെന്നുളള ഉദ്യോഗസ്ഥരുടെ ചോദ്യങ്ങള്ക്ക് കൃത്യമായ ഉത്തരമില്ല.
മേയ് ഒന്ന് മുതലുള്ള ഡ്രൈവിംഗ് ടെസ്റ്റിലെ നിര്ദ്ദേശങ്ങളോട് ഡ്രൈവിംഗ് സ്കൂള് ഉടമകള്ക്ക് യോജിപ്പില്ല. അവസാന ട്രിപ്പ് മുടക്കുന്ന സ്വകാര്യ ബസുകളുടെയും റോഡ് വികസന കരാര് ഏറ്റെടുത്ത കമ്പനികളുടെ വാഹനങ്ങള് നിയമലംഘനം നടത്തുന്നുണ്ടെങ്കില് പെര്മിറ്റ് റദ്ദാക്കാനും മന്ത്രി നിര്ദ്ദേശം നല്കി.
