തിരുവനന്തപുരം: വിവിധ മേഖലകളില്‍ സമഗ്ര സംഭാവനകള്‍ നല്‍കിയ വിശിഷ്ട വ്യക്തിത്വങ്ങള്‍ക്കു സംസ്ഥാന സര്‍ക്കാര്‍ നല്‍കുന്ന പരമോന്നത പുരസ്‌കാരമായ കേരള പുരസ്‌കാരങ്ങള്‍ വിതരണം ചെയ്തു. രാജ്ഭവനനില്‍ നടന്ന ചടങ്ങില്‍ ഗവര്‍ണര്‍ ആരീഫ് മുഹമ്മദ് ഖാന്‍ പുരസ്‌ക്കാരം സമ്മാനിച്ചു. മുഖ്യമന്ത്രി പിണറായി വിജയന്‍ പങ്കെടുത്തു.
കേരള ജ്യോതി പുരസ്‌കാരം സാഹിത്യ മേഖലയിലെ സമഗ്ര സംഭാവനയ്‌ക്ക് ടി. പത്മനാഭന്‍ ഏറ്റുവാങ്ങി.
കലാ മേഖലയിലെ സമഗ്ര സംഭാവനയ്‌ക്ക് സൂര്യ കൃഷ്ണമൂര്‍ത്തിയ്‌ക്കായിരുന്നു കേരള പ്രഭ പുരസ്‌കാരം സാമൂഹ്യ സേവന മേഖലയിലെ സമഗ്ര സംഭാവനയ്‌ക്ക് പുനലൂര്‍ സോമരാജന്‍, ആരോഗ്യ മേഖലയിലെ സമഗ്ര സംഭാവനയ്‌ക്ക് ഡോ. വി.പി. ഗംഗാധരന്‍, വ്യവസായവാണിജ്യ മേഖലയിലെ സമഗ്ര സംഭാവനയ്‌ക്ക് രവി ഡി സി, സിവില്‍ സര്‍വീസ് മേഖലയിലെ സമഗ്ര സംഭാവനയ്‌ക്ക് കെ.എം. ചന്ദ്രശേഖര്‍, കല(സംഗീതം) മേഖലയിലെ സമഗ്ര സംഭാവനയ്‌ക്ക് പണ്ഡിറ്റ് രമേശ് നാരായണ്‍ എന്നിവര്‍ കേരള ശ്രീ പുരസ്‌കാരവും ഗവര്‍ണര്‍റില്‍ നിന്ന് സ്വീകരിച്ചു.
പ്രതികരിക്കാൻ ഇവിടെ എഴുതുക: