ജാംനഗറിലെ അംബാനിയുടെ മകന്റെ വിവാഹ ചടങ്ങിനിടെ നടൻ ഷാരൂഖ് ഖാൻ രാം ചരണിനെ ‘ഇഡ്ലി വട’ പരാമർശത്തിലൂടെ അപമാനിച്ചുവെന്ന ആരോപണവുമായി മേക്കപ്പ് ആർട്ടിസ്റ്റ് രംഗത്ത്. ഇവൻ്റിൽ നിന്ന് ഇറങ്ങിപ്പോയെന്നും രാം ചരണിന്റെ ഭാര്യ ഉപാസനയുടെ മേക്ക്പ്പ് ആർട്ടിസ്റ്റ് സേബ ഹസൻ പറയുന്നു.
“ഷാരൂഖ് ഖാനെ അടുത്തിടെ ഗുജറാത്തിലെ ജാംനഗറിൽ കണ്ടിരുന്നു, അവിടെ അദ്ദേഹം ആനന്ത് അംബാനിയുടെയും രാധിക മർച്ചൻ്റിന്റെയും വിവാഹത്തിന് മുമ്പുള്ള പരിപാടിയിൽ പങ്കെടുക്കാൻ എത്തിയതായിരുന്നു.”
“അപ്പോഴാണ് അദ്ദേഹം ആഘോഷങ്ങളിൽ പങ്കെടുത്ത രാം ചരണിനെ സ്റ്റേജിലേയ്‌ക്ക് ക്ഷണിച്ച് അവരോടൊപ്പം ചുവട് വെയ്‌ക്കാൻ ആവശ്യപ്പെട്ടത്. എന്നാൽ, ഷാരൂഖ് രാം ചരണിനോട് അനാദരവ് കാണിക്കുകയും അദ്ദേഹത്തെ ‘ഇഡ്ലി വട’ എന്ന് അഭിസംബോധന ചെയ്യുന്നതും കണ്ടു.” തൊട്ടുപിന്നാലെ താൻ ആ പരിപാടിയിൽ നിന്ന് ഇറങ്ങിപ്പോയതായും സെബ പറയുന്നു.
എന്നാൽ ഷാരൂഖ് കളിയാക്കാൻ ശ്രമിച്ചതല്ലെന്നും ഇത് അദ്ദേഹത്തിന്റെ രീതിയാണെന്നുമാണ് സോഷ്യൽ മീഡിയയിൽ നിന്ന് ഉയരുന്ന കമൻ്റുകൾ. അദ്ദേഹത്തിന്റെ ചില സിനിമകളുടെ രംഗത്തോടൊപ്പമാണ് ചിലർ വേദിയിലുണ്ടായ സംഭവത്തെ കാണുന്നത്.
പ്രതികരിക്കാൻ ഇവിടെ എഴുതുക: