തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും ഏറെ നാളുകള്‍ക്ക് ശേഷം പരസ്പരം ചിരിച്ചു. ഗവര്‍ണറും സര്‍ക്കാരും തമ്മിലുള്ള പോര് രൂക്ഷമായതുമുതല്‍ ഇരുവരും പങ്കെടുത്ത ചടങ്ങുകളിലൊന്നും പരസ്പരം മുഖത്ത് പോലും നോക്കിയിരുന്നില്ല.
ഇന്നലെ രാജ്ഭവനില്‍ നടന്ന മുഖ്യവിവരാവകാശ കമ്മീഷണര്‍ വി. ഹരി നായരുടെ സത്യപ്രതിജ്ഞാ ചടങ്ങിനിടെയാണ് ഇരുവരും പരസ്പരം തൊഴുതും ചിരിച്ചും പിരിമുറുക്കത്തിന് അയവു വരുത്തിയത്. രാജ്ഭവനില്‍ എത്തിയ മുഖ്യമന്ത്രിയെ ഗവര്‍ണര്‍ സ്വീകരിച്ച് വേദിയിലേക്ക് കൊണ്ടുപോയി. തുടര്‍ന്ന് ഗവര്‍ണര്‍ക്ക് സമീപം ഉള്ള കസേരയില്‍ ഇരുന്നപ്പോള്‍ ഗവര്‍ണര്‍ തന്നെ മുഖ്യമന്ത്രിക്ക് പലഹാരം നല്കി. മുഖ്യമന്ത്രിയും നിറഞ്ഞ ചിരിയോടെയാണ് പലഹാരം ഏറ്റുവാങ്ങിയത്.
പ്രതികരിക്കാൻ ഇവിടെ എഴുതുക: