കോട്ടയം: അനില്‍ ആന്റണിയെ വിജയിപ്പിക്കുക എന്നത് കേരളത്തിന്റെ ആവശ്യം. ബിജെപിയുടെ മുഴുവന്‍ പ്രവര്‍ത്തകരും പൂര്‍ണ ആത്മാര്‍ത്ഥയോടെ തെരഞ്ഞെടുപ്പിന് പ്രചാരണത്തിനിറങ്ങുമെന്ന് പിസി ജോര്‍ജ്. അനില്‍ ആന്റണിയുമായി കൂടിക്കാഴ്ച നടത്തിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദേഹം.
ഈരാറ്റുപേട്ടയിലെ വീട്ടിലെത്തിയാണ് അനില്‍ ആന്റണി പിസി ജോര്‍ജിനെ സന്ദര്‍ശിച്ചത്. യാതൊരു വിട്ടുവീഴ്ചയുമില്ലാത്ത പോരാട്ടമാണ് നടക്കാനിരിക്കുന്നത്. അതുകൊണ്ടു തന്നെ ബിജെപി പ്രവര്‍ത്തകര്‍ ആത്മാര്‍ത്ഥമായാണ് പ്രവര്‍ത്തിക്കുന്നതെന്നും പിസി ജോര്‍ജ്ജ് പറഞ്ഞു.
ബിജെപിക്ക് ആവശ്യത്തിലധികം പ്രവര്‍ത്തകരുണ്ട്. ആര് സ്ഥാനാര്‍ത്ഥിയാകണമെന്ന് ബിജെപിയുടെ കേന്ദ്ര നേതൃത്വമാണ് തീരുമാനിക്കുന്നത്. ബിഷപ്പുമാരെ നേരില്‍ കണ്ട് സംസാരിക്കുമെന്നും പിസി ജോര്‍ജ് പറഞ്ഞു.
പ്രതികരിക്കാൻ ഇവിടെ എഴുതുക: