തിരുവനന്തപുരം: പേട്ടയിലെ കുട്ടിയെ തട്ടിക്കൊണ്ടുപോയ കേസില്‍ നിര്‍ണ്ണായക വഴിത്തിരിവ് നല‍്കുന്ന സിസിടിവി ദൃശ്യങ്ങള്‍ കിട്ടി. കേസില്‍ പ്രതിയായ ഹസന്‍കുട്ടി മുഖം തുണികൊണ്ട് മറച്ച് ചാക്ക ഭാഗത്തുകൂടി പോകുന്ന സിസിടിവി ദൃശ്യങ്ങളാണ് കിട്ടിയത്.
അന്നേ ദിവസം സമീപപ്രദേശങ്ങളിലെ സിസിടിവി ദൃശ്യങ്ങളിലും ഹസന്‍കുട്ടിയുടെ ദൃശ്യങ്ങള്‍ കണ്ടെത്തി. നിരവധി പോക്സോ കേസുകളില്‍ പ്രതിയാണ് ഹസന്‍കുട്ടി.
ഇയാള്‍ അന്ന് തട്ടിക്കൊണ്ടുപോയ കുട്ടിയുടെ വായപൊത്തിപ്പിടിക്കുന്ന ദൃശ്യങ്ങള്‍ കിട്ടിയാല്‍ വധശ്രമത്തിന് കേസെടുക്കുമെന്നും ഇയാള്‍ക്കെതിരെ പോക്സോ വകുപ്പ് പ്രകാരം കേസെടുക്കുമെന്നും പൊലീസ് കമ്മീഷണര്‍ പറഞ്ഞു. “അലഞ്ഞുതിരിയുകയായിരുന്ന പ്രതി ചാക്ക എയര്‍പോര്‍ട്ട് പ്രദേശത്ത് എത്തി കരിക്ക് വെള്ളം കുടിച്ച് ബസ് സ്റ്റോപ്പില്‍ നില്‍ക്കുമ്പോഴാണ് കുട്ടിയെ കണ്ടത്. “- കമ്മീഷണര്‍ പറഞ്ഞു.
പ്രതികരിക്കാൻ ഇവിടെ എഴുതുക: