സൗജന്യമായി ആധാര് കാര്ഡ് പുതുക്കാനുള്ള സമയപരിധി മാര്ച്ച് 15 നു അവസാനിക്കും. പത്ത് വര്ഷത്തിലൊരിക്കലെങ്കിലും ആധാര് നിര്ബന്ധമായി പുതുക്കണമെന്ന് യുണീക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യ നിര്ദേശിച്ചിട്ടുണ്ട്.
ആധാറിലെ വിവരങ്ങള് കൃത്യമാണെന്ന് ഉറപ്പാക്കാനാണ് യുഐഡിഎഐ ആധാര് പുതുക്കാന് ആവശ്യപ്പെടുന്നത്. 2024 മാര്ച്ച് 15 വരെ സൗജന്യമായി പുതുക്കാനുള്ള അവസരം ഉണ്ട്. അതായത് മൂന്ന് ദിവസം കൂടി ശേഷിക്കുന്നുണ്ട്. സൗജന്യ സേവനം ലഭ്യമാകുക myAadhaar പോര്ട്ടലില് മാത്രമാണ്.
അതായത് ഓണ്ലൈന് വഴി മാത്രമാണ് സൗജന്യമായി ആധാര് പുതുക്കാനാകുക. ഒഫ്ലൈനായി നേരിട്ട് ആധാര് കേന്ദ്രത്തില് എത്തി പുതുക്കാന് ഫീസ് ആവശ്യമായി വരും. 50 രൂപയാണ് ഫീസ് ഇനത്തില് ഈടാക്കുക.
പേര്, ജനനത്തീയതി, വിലാസം മുതലായ ജനസംഖ്യാപരമായ വിവരങ്ങളാണ് ഓണ്ലൈന് ആയി തിരുത്താന് സാധിക്കുക. ഫോട്ടോ, ബയോമെട്രിക്, ഐറിസ് തുടങ്ങിയ വിവരങ്ങള് അപ്ഡേറ്റ് ചെയ്യണമെങ്കില് ആധാര് കേന്ദ്രങ്ങളില് പോകേണ്ടി വരും.
