മാഞ്ചെസ്റ്റര്: എഫ് എ കപ്പ് ക്വാര്ട്ടര് ലൈനപ്പ് പ്രഖ്യാപിച്ചു. ഇംഗ്ലീഷ് ഫുട്ബോള് ശക്തികളായ ലിവര്പൂള് എഫ്സിയും മാഞ്ചെസ്റ്റര് യുണൈറ്റഡും നേര്ക്കുനേര് ഏറ്റുമുട്ടും.
അഞ്ചാം റൗണ്ട് മത്സരങ്ങള് പൂര്ത്തിയായതിന് തൊട്ടുപിന്നാലെയാണ് ക്വാര്ട്ടറില് ആരൊക്കെ തമ്മില് കളിക്കണമെന്നതിനും വേദി നിര്ണയിക്കുന്നതിനുമുള്ള നറുക്കെടുപ്പ് നടന്നത്. എല്ലാ മത്സരങ്ങളും ഈ മാസം 16ന് രാത്രി 8.30ന് യുണൈറ്റഡിന്റെ മൈതാനമായ ഓള്ഡ് ട്രാഫഡിലാണ് ലിവര്പൂളിന്റെ പോരാട്ടം.
കഴിഞ്ഞ മത്സരത്തില് സ്വന്തം മൈതാനമായ ആന്ഫീല്ഡിലാണ് ലിവര് സതാംപ്ടണിനെ കീഴടക്കിയത്. നലിവിലെ എഫ് എ കപ്പ് ജേതാക്കളായ മാഞ്ചസ്റ്റര് സിറ്റിയുടെ ക്വാര്ട്ടര് എതിരാളികള് ന്യൂകാസില് യുണൈറ്റഡ് ആണ്. സിറ്റിയുടെ എത്തിഹാദ് സ്റ്റേഡിയത്തിലാണ് ഇവര് തമ്മിലുള്ള മത്സരം. മറ്റൊരു വമ്പന് ടീം ചെല്സിക്ക് എതിരാളികള് ലിസെസ്റ്റര് സിറ്റി ആണ്. ചെല്സിയുടെ തട്ടകമായ സ്റ്റാംഫോഡ് ബ്രിഡ്ജിലായിരിക്കും പോരാട്ടം. നാലാം മത്സരത്തില് വുള്വ്സും കോവെന്ട്രിയും തമ്മില് പോരടിക്കും. കോവെന്ട്രിയുടെ മൈതാനത്താണ് കളി. ക്വാര്ട്ടറിലെത്തിയ ടീമുകളില് ഏറ്റവും റാങ്ക് കുറഞ്ഞ ടീം ആണ് കോവെന്ട്രി.
