ന്യൂദല്ഹി: വിദഗ്ധരുടെ പ്രതീക്ഷകളെ മറികടന്നകൊണ്ട് സമ്പത്തിക വര്ഷത്തിന്റെ മൂന്നാം പാദത്തില് ഇന്ത്യയുടെ ജിഡിപി 8.4 ശതമാനം വളര്ച്ച രേഖപ്പെടുത്തി. നാഷണല് സ്റ്റാറ്റിസ്റ്റിക്കല് ഓഫീസാണ് (എന്എസ്ഒ) റിപ്പോര്ട്ട് പുറത്തുവിട്ടത്.
2024 സമ്പത്തിക വര്ഷത്തിലെ ആദ്യ പാദത്തില് ഇത് 8.2 ശതമാനവും, രണ്ടാം പാദത്തില് 8.1 ശതമാനവുമായിരുന്നു. മൂന്നാം പാദത്തില് സമ്പദ്വ്യവസ്ഥ 6.6 ശതമാനം വളര്ച്ച നേടുമെന്നാണ് സാമ്പത്തിക വിദഗ്ധര് പ്രവചിച്ചിരുന്നത്. എന്നാല് ഇതില് നിന്ന് വളരെ മുകളിലാണ് പുറത്തു വന്ന കണക്കുകള്.
ഈ സാമ്പത്തിക വര്ഷത്തില് 7.3 ശതമാനം വളര്ച്ചാ നിരക്ക് പ്രതീക്ഷിക്കുന്ന സര്ക്കാരിന്റെ ആദ്യ മുന്കൂര് എസ്റ്റിമേറ്റ് പ്രകാരം, ലോകത്തിലെ ഏറ്റവും വേഗത്തില് വളരുന്ന സമ്പദ്വ്യവസ്ഥകളിലൊന്നായി ഇന്ത്യ അതിന്റെ സ്ഥാനം നിലനിര്ത്തുമെന്നാണ് പ്രതീക്ഷിക്കുന്നത്. മന്ദഗതിയിലായ ചൈനയും യൂറോസോണും സാങ്കേതിക മാന്ദ്യം ഒഴിവാക്കുന്ന സാഹചര്യത്തിലാണ് ഇത് സംഭവിക്കുന്നത്.
ഡ്യൂഷെ ബാങ്കിലെ സാമ്പത്തിക വിദഗ്ധനായ കൗശിക് ദാസ്, ഇന്ത്യയുടെ ദീര്ഘകാല വളര്ച്ചാ സാധ്യതകള് ഉയര്ത്തിക്കാട്ടി, ഏറ്റവും കുറഞ്ഞ യഥാര്ത്ഥ ജിഡിപി വളര്ച്ച 6 ശതമാനം മുതല് 6.5 ശതമാനം വരെയും നാമമാത്രമായ ജിഡിപി വളര്ച്ച 10 ശതമാനം മുതല് 11 ശതമാനം വരെയാകുമെന്നും ഇത് താരതമ്യപ്പെടുത്താവുന്നതിലും അപ്പുറമാണ്.
