റാഞ്ചി: ജാർഖണ്ഡിലെ സിംഗ്ഭും (എസ്ടി) മണ്ഡലത്തിൽ നിന്നുള്ള കോൺഗ്രസ് എംപി ഗീത കോറ തിങ്കളാഴ്ച ബിജെപിയിൽ ചേർന്നു. ലോക്‌സഭാ തിരഞ്ഞെടുപ്പിന് മാസങ്ങൾ ബാക്കിനിൽക്കെയാണ് നടപടി.
ബിജെപി സംസ്ഥാന അധ്യക്ഷൻ ബാബുലാൽ മറാണ്ടിയുടെ സാന്നിധ്യത്തിലാണ് കോറ ബിജെപിയിൽ ചേർന്നത്. 2019ലെ ലോക്‌സഭാ തെരഞ്ഞെടുപ്പിൽ ജാർഖണ്ഡിലെ 14 സീറ്റിൽ 12ലും ബിജെപിയും സഖ്യകക്ഷികളും വിജയിച്ചിരുന്നു. സംസ്ഥാനത്ത് കോൺഗ്രസിനുണ്ടായിരുന്ന ഓരേയൊരു എംപിയാണ് ഗീത കോറ.
രാവിലെയോടെയായിരുന്നു പാർട്ടി വിടുന്നതായി ഗീത അറിയിച്ചത്. നേതൃത്വവുമായുള്ള അസ്വാരസ്യങ്ങളാണ് രാജിയിലേക്ക് നയിച്ചത് എന്നാണ് കരുതുന്നത്.
ഗീത പാർട്ടി വിട്ടത് സംസ്ഥാനത്തെ കോൺഗ്രസിനെ പ്രതിരോധത്തിലാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: