യുപിയിൽ ബസ് ട്രാക്ടറിലിടിച്ച് ആറ് തൊഴിലാളികൾ മരിച്ചു  

ജൗൻപൂർ : ഉത്തർപ്രദേശ് ട്രാൻസ്പോർട്ട് ബസ് ട്രാക്ടറിൽ ഇടിച്ച് ആറ് തൊഴിലാളികൾ മരിച്ചു. ഞായറാഴ്ച രാത്രി 11.30 ഓടെ സിക്രാര പോലീസ് സ്റ്റേഷൻ പരിധിയിലെ സമദ്ഗഞ്ച് മാർക്കറ്റിന് സമീപമാണ് അപകടമുണ്ടായതെന്ന് പോലീസ് പറഞ്ഞു.

ഉത്തർപ്രദേശ് സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷന്റെ (യുപിഎസ്ആർടിസി) ബസ് പ്രയാഗ്‌രാജിൽ നിന്ന് ഡിയോറിയയിലേക്ക് പോവുകയായിരുന്ന 12 തൊഴിലാളികളുമായെത്തിയ ട്രാക്ടറിൽ ഇടിച്ച് തെറിപ്പിക്കുകയായിരുന്നു.

അപകടത്തിൽ ആറ് പേർ തത്ക്ഷണം മരിച്ചതായും പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചതായും അഡീഷണൽ പോലീസ് സൂപ്രണ്ട് ശൈലേന്ദ്ര സിംഗ് പറഞ്ഞു.