തിരുവനന്തപുരം: മുഖ്യമന്ത്രി പിണറായി വിജയന്റെ മകളും സിഎംആര്എല് കമ്പനിയും തമ്മിലുളള മാസപ്പടി വിവാദത്തില് കൂടുതല് തെളിവുകള് പുറത്തുവിടുമെന്ന് കോണ്ഗ്രസ് എംഎല്എ മാത്യു കുഴല്നാടന്. തിങ്കളാഴ്ച രാവിലെ 11 ന് തെളിവ് പുറത്തുവിടുമെന്ന് കുഴല്നാടന് പറഞ്ഞു.
തിരുവനന്തപുരത്ത് വച്ചാണ് മാത്യു കുഴല്നാടന്റെ വാര്ത്താ സമ്മേളനം .വീണാ വിജയന്റെ ഉടമസ്ഥതയിലുള്ള എക്സാലോജിക് കമ്പനിക്കെതിരായ എസ്എഫ്ഐഒ അന്വേഷണം രാഷ്ട്രീയ പകപോക്കലെന്ന വാദം പൊളിഞ്ഞെന്നും അന്വേഷണം മുഖ്യമന്ത്രിയിലേക്ക് എത്താന് സാധ്യതയുണ്ടെന്നും മാത്യു കുഴല്നാടന് നേരത്തേ പ്രതികരിച്ചിരുന്നു.
എസ്എഫ്ഐഒ അന്വേഷണത്തിന് സ്റ്റേ അനുവദിക്കാത്ത കര്ണാടക ഹൈക്കോടതി ഉത്തരവിന് പിന്നാലെയായാണ് പ്രതികരണവുമായി കുഴല്നാടന് രംഗത്തെത്തിയത്. ഷോണ് ജോര്ജാണ് വീണയ്ക്കെതിരെ പരാതി നല്കിയത്.
