ബോളിവുഡിലെ ബോള്ഡ് ആന്റ് ബ്യൂഡിഫുള് കങ്കണാ റണൗട്ട് കാര്യങ്ങള് തുറന്നുപറയുന്നതില് മടിയില്ലാത്തയാളാണ്. ഇപ്പോഴിതാ സിനിമാ മേഖലയിലെ ന്നെ ആളുകളെപ്പറ്റി കങ്കണ നടത്തിയ പരാമര്ശം വിവാദമായിരിക്കുകയാണ്.
സിനിമാ മേഖലയിലെ പ്രമുഖര് ഡാര്ക്ക് വെബ്ബ് ഉപയോഗിച്ച് മറ്റുള്ളവരുടെ മെയിലും വാട്സ് ആപ്പും ഹാക്ക് ചെയ്യുന്നുവെന്നാണ് കങ്കണയുടെ പുതിയ വെളിപ്പെടുത്തല്. ഇതാണ് ഇപ്പോള് ചര്ച്ചയാകുന്നത്.
ഇന്സ്റ്റഗ്രാം സ്റ്റോറിയിലൂടെയാണ് കങ്കണയുടെ പരാമര്ശം. ഫോണുകളില് നമ്പര് സേവ് ചെയ്തില്ലെങ്കിലും വിളിക്കുന്നയാളിന്റെ പേരുവിവരങ്ങള് കാണിക്കുന്ന സംവിധാനം രാജ്യത്ത് നടപ്പാക്കണമെന്ന് ടെലികോം റെഗുലേറ്ററി അതോറിറ്റി ശുപാര്ശ ചെയ്തിരുന്നു. ഈ വാര്ത്ത പങ്കുവെച്ചുകൊണ്ടാണ് കങ്കണയുടെ ആരോപണം.
” സിനിമാ മേഖലയിലെ ഒരുപാട് പ്രമുഖര് ഇതിനകത്തുണ്ട്. നിയമവിരുദ്ധമായ ചില കാര്യങ്ങള് ഉപയോഗിക്കാന് അവര് ഡാര്ക് വെബ്ബ് ഉപയോഗിക്കുന്നു. മാത്രമല്ല മറ്റുള്ളവരുടെ വാട്സ് ആപ്പ്, മെയില് എന്നിവ ഹാക്ക് ചെയ്യാനും അവര് ഡാര്ക് വെബ്ബ് ഉപയോഗിക്കുന്നു. വിവരങ്ങള് പുറത്തുവന്നാല് പല വമ്പന്മാരും കുടുങ്ങും,” എന്ന് കങ്കണ പറഞ്ഞു.
