ഇടുക്കി: കുരച്ചതിന് സഹോദരിയുടെ വളര്‍ത്തുനായയെ യുവാവ് പാറയില്‍ അടിച്ചുകൊന്നു. ഇടുക്കി നെടുങ്കണ്ടം സന്യാസിയോടയിലാണ് മിണ്ടാപ്രാണിയോട് ക്രൂരത അരങ്ങേറിയത്. അയല്‍വാസി കൂടിയായ സഹോദരിയുമായുളള വഴക്കാണ് നായയെ കൊല്ലാന്‍ കാരണം.
ന്യാസിയോട സ്വദേശി കളപുരമറ്റത്തില്‍ രാജേഷിനെതിരെ കമ്പമെട്ട് പൊലീസ് കേസെടുത്തു.രാജേഷും സഹോദരിയുമായി സ്വത്തുതര്‍ക്കം നിലനില്‍ക്കുന്നുണ്ട്. ഈ പ്രശ്‌നത്തില്‍ ഇന്നലെയും രാജേഷും സഹോദരിയുമായി വാക്കുതര്‍ക്കമുണ്ടായി. സഹോദരിയെയും വൃദ്ധമാതാവിനെയും ഇയാള്‍ മര്‍ദ്ദിക്കുകയും ചെയ്തു. ഈ സമയം നായ ഉറക്കെ കുരച്ചതില്‍ പ്രകോപിതനായ രാജേഷ് അതിനെ പിടികൂടി തൊട്ടടുത്തുളള പാറയിലടിച്ച് കൊലപ്പെടുത്തുകയായിരുന്നു.
തുടര്‍ന്ന് ബന്ധുക്കള്‍ പൊലീസില്‍ പരാതി നല്‍കി. പൊലീസെത്തി നായയുടെ പോസ്റ്റുമോര്‍ട്ടം അടക്കം നടപടികള്‍ പൂര്‍ത്തിയാക്കി രാജേഷിനെ കസ്റ്റഡിയിലെടുത്തതിനുശേഷം ജാമ്യത്തില്‍ വിട്ടു.
പ്രതികരിക്കാൻ ഇവിടെ എഴുതുക: