തൃശ്ശൂര്: ജവഹര് ബാലഭവന് നടത്തുന്ന അവധിക്കാല ക്യാമ്പിലേക്ക് അഡ്മിഷന് ആരംഭിച്ചു. എല്.കെ.ജി മുതല് പ്ലസ് വണ് വരെ പഠിക്കുന്ന കുട്ടികള്ക്ക് അഡ്മിഷന് ലഭിക്കും. താല്പര്യമുള്ളവര് ചെമ്പൂക്കാവ് ജവഹര് ബാലഭവനില് മാര്ച്ച് 1 മുതല് നേരിട്ടെത്തി അഡ്മിഷന് എടുക്കണം. ഏപ്രില് 3 മുതല് മെയ് 26 വരെ നടക്കുന്ന ക്യാമ്പില് പതിനാറ് കലാ കായിക കരകൗശല ഇനങ്ങളില് പരിശീലനം നല്കും.
എല്.കെ.ജി, യു.കെ.ജി കുട്ടികള്ക്ക് ചിത്രകല, ശില്പകല, കഥപറച്ചില്, നാടന്പാട്ട് എന്നീ വിഷയങ്ങളില് പരിശീലനം ലഭിക്കും. ഒന്ന് മുതല് പതിനൊന്നുവരെയുള്ള ക്ലാസുകളിലെ കുട്ടികള്ക്ക് ചിത്രകല, സംഗീതം, ജൂഡോ, വയലിന്, മൃദംഗം, തയ്യല്/ ചിത്രത്തുന്നല്, കുങ്ഫു, മാജിക്, ശില്പകല, നൃത്തം, നാടകം, ഗിറ്റാര്, തബല, ക്രാഫ്റ്റ്, കമ്പ്യൂട്ടര്, അബാക്കസ് വിഷയങ്ങളിലാണ് പരിശീലനം.
കൂടാതെ സിവില് സര്വ്വീസ് ഉദ്യോഗസ്ഥര്, സാഹിത്യകാരന്മാര്, തുടങ്ങി വിവിധ മേഖലയില് പ്രാഗല്ഭ്യം തെളിയിച്ചിട്ടുള്ള വ്യക്തികളുമായി ആശയവിനിമയ നടത്തുന്നതിനുള്ള അവസരവും കുട്ടികള്ക്ക് ലഭിക്കും. രാവിലെ 9.30 മുതല് 12.30 വരെയാണ് ക്ലാസുകള് ക്രമീകരിച്ചിരിക്കുന്നത്. വൈകീട്ട് 5.30 വരെ ആയമാരുടെ സേവനവും ലഭിക്കും. കൂടുതല് വിവരങ്ങള്ക്ക് ഫോണ്: 0487 2332909.
