ഒരു ലക്ഷം രൂപയുടെ കള്ളനോട്ടുമായി രണ്ട് പേർ പിടിയിൽ; സംഭവം പാലക്കാട്

പാലക്കാട്: മണ്ണാർക്കാട് ഒരു ലക്ഷം രൂപയുടെ കള്ളനോട്ടുമായി രണ്ട് പേർ പിടിയിൽ. സംഭവത്തിൽ മലപ്പുറം സ്വദേശി റാഫേൽ, ഫൈസൽ എന്നിവരെയാണ് അറസ്റ്റ് ചെയ്തത്. മണ്ണാർക്കാട് പോലീസാണ് ഇരുവരെയും പിടികൂടിയത്.

കുമരംപുത്തൂർ കല്ലടി ഹയർസെക്കൻഡറി സ്‌കൂളിന് സമീപത്തു വച്ചാണ് ഇരുവരെയും പിടികൂടിയത്. ഇവരിൽ നിന്നും 91,000 രൂപയുടെ കള്ളനോട്ടുകൾ കണ്ടെടുത്തു. സംസ്ഥാനത്തെ കള്ളനോട്ട് മാഫിയയിലെ പ്രധാന കണ്ണികളെയാണ് അറസ്റ്റ് ചെയ്തതെന്ന് മണ്ണാർക്കാട് പോലീസ് അറിയിച്ചു.