കൊല്ക്കത്ത: സന്ദേശ്ഖാലിയില് പ്രതിഷേധത്തിനിടെ ബിജെപി സംസ്ഥാന പ്രസിഡന്റ് സുകാന്ത മജുംദാര് അറസ്റ്റില്. സന്ദേശ്ഖാലിയിലെ ജനങ്ങള്ക്കു നേരേ അതിക്രമങ്ങള് അഴിച്ചുവിടുകയും സ്ത്രീകളെ കൂട്ടബലാത്സംഗത്തിനിരയാക്കുകയും ചെയ്ത തൃണമൂല് കോണ്ഗ്രസ് നേതാവ് ഷാജഹാന് ഷേയ്ഖിനെ പിടികൂടണമെന്ന് ആവശ്യപ്പെട്ട് പ്രതിഷേധിക്കുന്നതിനിടെയാണ് അറസ്റ്റ്.
വ്യാഴാഴ്ച സന്ദേശ്ഖാലിയിലെ പ്രശ്നബാധിത സ്ഥലങ്ങള് സന്ദര്ശിക്കാന് മജുംദാറിന് കോടതി അനുമതി നല്കിയിരുന്നു. സുരക്ഷാ ഉദ്യോഗസ്ഥരുടെ അകമ്പടിയില് അവിടെയെത്തിയ മജുംദാര് പ്രദേശവാസികളെ കാണുകയും പീഡനത്തിനിരയായ സ്ത്രീകളുമായി സംസാരിക്കുകയും ചെയ്തിരുന്നു. സന്ദേശ്ഖാലിയിലെ സ്ത്രീകള്ക്കു നീതി ലഭ്യമാക്കുക, ബംഗാള് പോലീസ് അറസ്റ്റ് ചെയ്ത ബിജെപി പ്രവര്ത്തകരെ വിട്ടയയ്ക്കുക എന്നീ ആവശ്യങ്ങളാണ് മജുംദാര് ഉന്നയിച്ചത്.
