ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറെ ഇക്കണോമി ക്ലാസില്‍ കണ്ടതോടെ ആവേശത്തിലാകുന്ന വിമാന യാത്രക്കാരുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധനേടുന്നത്. ഫസ്റ്റ്ക്ലാസിലും, ബിസ്‌നസ് ക്ലാസിലും യാത്രചെയ്യാറുള്ള സച്ചിന്‍ അപ്രതീക്ഷിതമായി ഇക്കണോമി ക്ലാസില്‍ എത്തിയതോടെയാണ് ആരാധകര്‍ ആവേശത്തിലായത്.
സച്ചിനെ ആരാധകര്‍ ആരവത്തോടെ വിമാനത്തിലേക്ക് സ്വാഗതം ചെയ്യുകയും സച്ചിന്‍ … സച്ചിന്‍ എന്ന് ഉറക്കെ വിളിക്കുകയും ചെയ്യുന്നതാണ് വീഡിയോ.
ഇന്‍ഡിഗോ വിമാനത്തിലായിരുന്നു സംഭവം. ‘ക്രിക്കോപ്പിയ’ എന്ന എക്‌സ് പേജിലൂടെയാണ് വീഡിയോ പങ്കുവച്ചത്. ഏതൊരു ക്രിക്കറ്റ് പ്രേമിയുടെയും മനംകവരുന്ന നിമിഷം യാത്രക്കാര്‍ ഫോണില്‍ പകര്‍ത്തുന്നതും പ്രചരിച്ച വീഡിയോയില്‍ കാണാം.
പര്‍പ്പിള്‍ ഷര്‍ട്ട് ധരിച്ചെത്തിയ സച്ചില്‍ ആരാധകരെ അഭിവാധ്യം ചെയ്ത്, യാത്രക്കാരുടെ സ്‌നേഹത്തിന് നന്ദി പറഞ്ഞു. നിരവധി ആരാധകരാണ് വീഡിയോയില്‍ കമന്റ് പങ്കുവച്ചത്.
പ്രതികരിക്കാൻ ഇവിടെ എഴുതുക: