തിരുവനന്തപുരം: കെ.കെ. ശൈലജടീച്ചറെ ലോക് സഭാ തെരഞ്ഞെടുപ്പില്‍ വടകരയില്‍ നിന്നും മത്സരിപ്പിക്കുക വഴി കേരളാരാഷ്‌ട്രീയത്തില്‍ നിന്നും ഇല്ലാതാക്കുകയാണ് പിണറായി പക്ഷത്തിന്റെ ലക്ഷ്യമെന്നറിയുന്നു.
സിപിഎമ്മില്‍ ഇന്ന് ജനപ്രീതിയുള്ള നേതാക്കളില്‍ ഒരാളായ കെ.കെ.ശൈലജടീച്ചറെ പിണറായിക്ക് ഭയമായിരുന്നു. അവരെ ആരോഗ്യമന്ത്രിപദവിയില്‍ നിന്നും നീക്കം ചെയ്തതിന് പിന്നിലും അവരുടെ വര്‍ധിച്ചുവരുന്ന ജനപ്രീതിയാണെന്നും ആരോപണമുണ്ടായിരുന്നു. ഇപ്പോള്‍ ടി.പി. ചന്ദ്രശേഖരന്‍ വധത്തെതുടര്‍ന്ന് മുഖം നഷ്ടപ്പെട്ട വടകരയിലേക്ക് തന്നെ ശൈലജ ടീച്ചറെ ഇറക്കുന്നതിന് പിന്നില്‍ കൃത്യമായ ലക്ഷ്യമുണ്ട്. കെ. മുരളീധരനെതിരെ ശൈലജടീച്ചറെ ബലിയാടാക്കുകയാണ് ലക്ഷ്യം. എന്തായാലും കേരളരാഷ്‌ട്രീയം കണ്ട് ടീച്ചര്‍ പനിയ്‌ക്കേണ്ട എന്ന സന്ദേശം തന്നെയാണ് പിണറായിക്ക് മേല്‍ക്കയ്യുള്ള സിപിഎം നല്‍കുന്നത്. ഇനി സ്വന്തം മിടുക്കിലെങ്ങാന്‍ ജയിച്ചുവന്നാല്‍ തന്നെ അവരുടെ സേവനം കേരളത്തിന് പുറത്തായി ചുരുങ്ങും.
പ്രതികരിക്കാൻ ഇവിടെ എഴുതുക: